Romualdez, abswelto sa flood control scam ayon sa ICI

Romualdez, abswelto sa flood control scam ayon sa ICI—Rep. Acidre

Wala umanong nakitang pananagutan ang Independent Commission for Infrastructure (ICI) kay dating House Speaker at Leyte 1st district Rep. Martin Romualdez sa usapin ng flood control projects, sang-ayon kay Tingog Party-list Rep. Jude Acidre.

Ito ay bilang tugon ni Acidre sa paratang ni Navotas Rep. Toby Tiangco kay Romualdez sa pagkakaugnay nito sa likod ng nasabing katiwalian.

Sa isang pahayag ni Acidre kamakailan, sinabi niyang batay umano sa referral ng ICI sa Ombudsman, walang anomang findings o kongklusyon na nagsasabing sangkot si Romualdez sa maanomalyang flood control projects.

Ani Acidre, “The ICI referral itself, signed by retired Supreme Court justice Andres Reyes, explicitly states: ‘This referral is issued without any finding or conclusion of guilt or liability on the part of former speaker Martin Romualdez.‘”

“That is not interpretation. That is the Commission’s own language,” dugtong pa ng kongresista.

Sa kasalukuyan, nasa kamay na ng Ombudsman ang magiging kapalaran ng maanomalyang flood control projects matapos itong ipasa ng ICI sa kanila.

Matatandaang napaulat noong Disyembre 2025 na kabilang si Romualdez sa 86 na indibidwal na pinakakasuhan bago matapos ang taon.

Maki-Balita: Romualdez, 86 iba pa inirekomendang kasuhan bago matapos ang taon—Sec. Dizon

Isa si Romualdez sa mga mambabatas na pinangalanan ng kontraktor na si Curlee Discaya na tumatanggap umano ng porsyento sa pondo ng mga kontrata sa maanomalyang flood control projects.

KAUGNAY NA BALITA: Ilang DPWH officials, pumuporsyento sa mga Discaya para umano kina Romualdez at Co

Bagama’t pinabulaanan ni Romualdez ang mga paratang ni Discaya, patuloy pa ring lumakas ang panawagan na magbitiw siya sa puwesto.

Bukod dito, isiniwalat din ni dating Ako Bicol Party-list Rep. Zaldy Co na naghatid umano siya ng male-maletang pera kay Romuladez na sinusugan naman kalaunan ng dating sundalong si Orly Regala Guteza.

Maki-Balita: Zaldy Co, inilabas mga resibo ng mga maletang hinatid umano kina PBBM, ex-HS Romualdez

Maki-Balita: ‘Pilit na pilit!’ Romualdez, binakbakan lumutang na witness ni Marcoleta

Castro sa umano'y posibilidad na magaya si PBBM kina FPRRD, Sen. Bato: 'Definitely impossible!'

Tahasang ipinahayag ni Palace Press Officer at Presidential Communications Office (PCO) Undersecretary Atty. Claire Castro na impossible raw na dumating ang araw na mapunta si Pangulong Ferdinand “Bongbong” Marcos, Jr. sa sitwasyong kinahaharap ngayon nina dating Pangulong Rodrigo Duterte at Sen. Ronald “Bato” Dela Rosa. Kasunod ito ng panawagang proteksyon ni Sen. Bato kay PBBM, kaugnay...

DepEd, inilunsad mental health helpline para sa mga mag-aaral

Inilunsad ng Department of Education (DepEd) ang pinalakas na “Learners TeleSafe Contact Center Helpline” upang mas mabigyang suporta ang mental health ng bawat mag-aaral sa bansa. Batay sa pahayag ng DepEd noong Lunes, Mayo 11, ang helpline na may numerong “#333733” ay mayroon nang direktang koneksyon sa National Center for Mental Health (NCMH) Crisis Hotline, upang matiyak ang agarang...

Sen. Robin, Sen. Kiko nagkainitan matapos pag-usapan inabot ni Sen. Bato sa Senado

Tila nagkaroon ng tensyon sa pagitan nina Sen. Robin Padilla at Sen. Kiko Pangilinan matapos nilang mapag-usapan ang nangyari kay Sen. Ronald “Bato” dela Rosa sa Senado noong Lunes, Mayo 11. Sa ginanap na ika-62 na sesyon ng Senado nitong Martes, Mayo 12, inilahad niya ang aniya’y pagresponde ng Commission on Human Rights (CHR) sa inabot ni Sen. Bato matapos muling magpakita sa...