Mariing umapela sa mga pahayagan si Vice President Sara Duterte na huwag daw tawagin o gamitin ng mga ito ang mga salitang naging “ex-aide” o “bag man” niya noon si Ramil Madriaga.
KAUGNAY NA BALITA: VP Sara, magsasampa ng kaso laban kay Ramil Madriaga!
Ayon sa inilabas na pahayag ni VP Sara sa kaniyang Facebook page noong Miyerkules, Marso 4, 2026, sinabi niyang “inaccurate” at “misleading” umano ang tawaging naging “bag man” o “ex-aide” niya ang nasabing indibidwal.
“Madriaga as my ‘ex-aide’ or ‘bagman’ are inaccurate and misleading,” pagsisimula niya.
Photo courtesy: VP Sara Duterte (FB)
PNP, susunod sa kautusan ng DOJ na ipatupad arrest warrant ng ICC vs Sen. Bato
Ani VP Sara, tila pinatototohanan daw ng dahilan nila sa pagsasampa ng kasong perjury kay Madriaga ang tawagin ng publiko na naging “bag man” o “ex-aide” niya ito.
“Calling him an “ex-aide” assumes as fact the very lie that the perjury complaint seeks to address,” aniya.
Diin niya, hindi raw niya kailanman naging “aide,” kaibigan, empleyado, o naging miyembro ng kaniyang “staff” si Madriaga at ang pinangalanan niyang si “Atty. R. Quilala” ng Inday Sara Duterte Is My President (ISIP) Pilipinas ang nakakakilala lang umano rito.
“He was never my aide, friend, employee, or a member of my staff in any capacity. The only person who knows him is Atty R. Quilala of ISIP Pilipinas,” saad niya.
“I urge the media to exercise greater care in their reporting. Accuracy and fairness must always come first,” pagtatapos pa niya.
Samantala, habang sinusulat ito, wala pa namang inilalabas na tugon, reaksyon, o pahayag ang kampo ni Madriaga kaugnay rito.
KAUGNAY NA BALITA: VP Sara kay Madriaga: 'Di maaaring gamitin imbentong kwento para linlangin publiko!'
KAUGNAY NA BALITA: VP Sara, 'di tutok sa deliberasyon ng impeachment niya: 'Marami akong ginagawang trabaho!'
Mc Vincent Mirabuna/Balita
