FPRRD na-depress, namayat sa ICC detention center?-Balita

FPRRD na-depress, namayat sa ICC detention center?

Nagbigay ng komento si Davao City Mayor Sebastian “Baste” Duterte kaugnay sa impresyon umano niya sa sitwasyon at muling naging pagbisita niya kay dating Pangulong Rodrigo Duterte sa detention center ng International Criminal Court (ICC).

Ayon sa naging pahayag ni Mayor Baste matapos ang kaniyang naging pagbisita sa dating Pangulo nitong Miyerkules, Marso 4, 2026, inamin niyang namayat umano ang kaniyang ama dahil madalas daw itong walang ganang kumain.

Diin pa niya, makakaramdam daw kahit sino ng depresyon o labis na pag-iisip kung sila man ang mapupunta sa detention center unit ng ICC sa The Hague, Netherlands.

“Of course [pumayat]. Lahat naman siguro. Kapag ikaw, nilagay sa detention unit, you get depressed. You don’t want to eat the food because wala siyang gana,” pagsisimula niya.

Dagdag niya, “I think that’s natural for everyone.”

Paglilinaw naman ni Baste, hindi umano ang mga pagkain sa loob ng detention center ang nakakapagpapayat sa kaniyang ama kundi ang sitwasyong kinalalagyan nito.

“It’s not the food. It’s the situation that he’s in,” aniya.

Tungkol naman sa paparating na kaarawan ni FPRRD sa Marso 28, 2026, sinabi ni Baste na wala raw silang plano para dito dahil hindi naman daw sila nagdiriwang ng kaarawan sa kanilang pamilya.

“Wala. We don't even celebrate our own birthdays… It’s just [practice] on the family,” pagtatapos niya.

Kaugnay nito, nilinaw rin sa publiko ni Mayor Baste na lagi raw handa ang pamilya nila at maging si FPRRD sa anomang magiging resulta o desisyon ng ICC kaugnay sa mga kasong kinakaharap niya.

KAUGNAY NA BALITA: 'We, even my father, are always prepared!' Mayor Baste, handa sa anomang resulta ng ICC

Saad niya, “It’s a complex situation. You have the ICC involved, you have these people in the Philippines who are left leaning, and these are social states—the European Union. There’s so much ambiguity around everything that’s happening right now.”

Ani Mayor Baste, lagi raw silang handa ng kanilang pamilya at maging si FPRRD at hindi raw sila pumupunta sa doon para umiyak-iyak lang.

“We’re always prepared. We are always prepared. Even my father is prepared. Wala kami dito para iiyak lang,” paninigurado pa niya.

KAUGNAY NA BALITA: Kitty kay FPRRD: 'He has dryer lips and skin than usual!'

KAUGNAY NA BALITA: Kitty Duterte kay FPRRD: 'I miss you, papa'

Mc Vincent Mirabuna/Balita

4-day workweek, pansamantalang ipatutupad sa ilang executive offices ng pamahalaan

Inanunsyo ni Pangulong Ferdinand “Bongbong” Marcos Jr. ang pansamantalang pagpapatupad ng pamahalaan ng four-day workweek para sa ilang mga piling opisina ng ehekutibo. Kasunod ito ng mga panawagang bawasan ang araw ng pagtatrabaho sa isang linggo upang makatipid sa paggamit ng enerhiya, bunsod ng lumalalang sigalot sa mga bansang nasa Gitnang Silangan. Sa isang pahayag na ibinahagi ni PBBM...

Pahinanteng natutulog, patay matapos magulungan ng truck!

Nasawi ang isang pahinante matapos siyang magulungan ng kanilang truck habang natutulog sa ilalim nito, sa Dumaguete City. Ayon sa mga ulat, hindi umano nagising ang lalaki kahit nang paandarin na ng driver ang kanilang truck bunsod umano ng pagod sa mahaba nilang biyahe. Depensa nmaman driver, hindi raw niya alam na may tao pa sa ilalim ng truck nang subukan niya itong paandarin upang i-park daw...

Rep. Sarah Elago, 'di raw palalampasin pambabastos ni Atty. Topacio!

Naglabas ng pahayag at kaniyang reaksyon si Gabriela Women’s Party Rep. Sarah Elago kaugnay sa nasabing naging pagnanasa ni Atty. Ferdinand “Ferdie” Topacio sa kaniya noon sa isang hearing. Matatandaang inamin at ibinahagi mismo sa publiko ni Topacio sa programa niyang “Yes… Yes… Yo! Topacio” ng DWIZ News noong Huwebes, Marso 5, 2026, ang minsan naging pagnanasa umano niya nang...