Tiniyak ni House Speaker Faustino “Bojie” G. Dy III sa publiko ang isang pantay at malinis na proseso sa nakatakdang pagdinig para sa mga impeachment case na inihain laban kay Vice President Sara Duterte. 

Ayon sa inilabas na pahayag ni Dy nitong Lunes, Marso 2, 2026, nilinaw niya ang nakatakdang pagsisimula ng deliberation ng House Committee on Justice sa apat na beripikadong impeachment complaint na inihain ng ilang mga grupo laban sa bise presidente. 

Ani Dy, hindi raw ito isang “political performance” o “trial by publicity” kundi isang pangkonstitusyunal na proseso. 

“As Speaker of the House, I want to be clear about one thing: this is a constitutional process. It is not a political performance, and it is not a venue for trial by publicity,” pagsisimula niya. 

Aniya, tungkulin umano ng Kamara at responsibilidad ng House Committee on Justice sa ilalim ng pamumuno ni Chairperson Gerville Luistro na madetermina ang anomang impeachment complaint kung sufficient in form at substance raw ang mga ito. 

National

Rep. Suntay sa sinabing ang ganda-ganda ni Anne Curtis: 'I think she should take it as a compliment!'

“Under our Constitution, the House of Representatives has the solemn duty to determine whether impeachment complaints are sufficient in form and substance. That responsibility rests primarily with the Committee on Justice, under the leadership of Chairperson Gerville Luistro. The committee has been properly notified, and the proceedings will follow established House rules,” saad niya. 

Dagdag pa niya, “Let me emphasize: impeachment is not about personalities. It is about institutions. It is not about taking sides. It is about upholding the Constitution.” 

Anang House Speaker, karapatan din umanong makatanggap ng sinomang opisyal ng gobyerno ng pantay, wastong proseso, at makaasang dadaan sa makatarungang pagsisiyasat ang mga alegasyong inihain laban sa kanila. 

Sa kabilang bansa, may karapatan din umano ang mga taong naghain ng impeachment complaint o anomang reklamo sa sino mang opisyal na maidaan iyon nang naaayon sa batas. 

“Every elected official, including the Vice President, deserves fairness, due process, and the presumption that allegations must be examined carefully and judiciously. At the same time, complainants who have invoked a constitutional mechanism are entitled to have their filings addressed in accordance with the law,” diin niya. 

Pagpapatuloy ni Dy, tungkulin daw niyang pairalin ang propesyunalismo, kautusan, at katapatan sa Konstitusyon sa loob ng Kamara at wala raw kaugnayan ang kaniyang posisyon para impluwensyahan ang kanilang Komite.

“My role as Speaker is not to pre-judge the outcome, nor to influence the committee's deliberations. My responsibility is to ensure that the House functions with professionalism, order, and fidelity to the Constitution,” ‘ika niya. 

Pagtitiyak pa niya, “We will allow the process to take its course fairly lawfully, and transparently. The House of Representatives will do its duty."

Kaugnay nito, nakatakdang magsimula ang determination in sufficiency in form and substance proceedings ng House Committee on Justice sa mga impeachment complaint laban kay VP Sara sa 10:00 ng umaga ngayong Lunes, Marso 2, 2026.

KAUGNAY NA BALITA: Tindig Pilipinas, babawiin impeachment complaint nila laban kay VP Sara

KAUGNAY NA BALITA: House Committee on Justice, nangakong magiging patas sa impeachment ni VP Sara

Mc Vincent Mirabuna/Balita