Nilinaw sa publiko ni House Justice Committee member at Bicol Saro Partylist Rep. Terry Ridon na tila wala umanong epekto ang maagang pagdedeklara ni Vice President Sara Duterte sa kaniyang pagtakbo bilang Pangulo ng Pilipinas sa pag-usad ng nakatakdang impeachment complaints laban sa kaniya.
KAUGNAY NA BALITA: VP Sara, inanunsyong tatakbong Pangulo sa 2028!
Ayon sa isinagawang news forum sa Kamara nina Ridon nitong Sabado, Pebrero 28, 2026, sinabi niyang nakatutok na ang mga miyembro ng House Committee on Justice sa pagproseso at pagsisiyasat ng apat na impeachment complaint laban sa bise presidente.
KAUGNAY NA BALITA: Rep. Abante, Rep Ortega, inendorso ikaapat na impeachment complaint kay VP Sara
“Tingin ko po, at the level po of the House Committee on Justice, laser focus po ‘yong mga members to firstly determine sufficiency in form and sufficiency in substance,” pagsisimula niya.
Pasabog ni Mon Tulfo sa isang 'drama:' 'Sinuntok ni Remulla si Fernando sa mukha. Bagsak!'
Ani Ridon, parehas lang daw ng kanilang ginagawa sa Justice Committee ang ginawa nila sa pagproseso ng mga impeachment complaint na inihain laban kay Pangulong Ferdinand “Bongbong” Marcos, Jr., noon.
“And in the same manner, that yet undertaking it in the previous impeachment complaint against President Bongbong Marcos, Jr.,” aniya.
Anang mambabatas, “irrelevant” o hindi makakaapekto ang maagang presidential bid ni VP Sara sa disposisyon ng mga miyembro ng Justice Committee sa mga impeachment complaint na kakaharapin niya.
“Tingin ko, irrelevant ‘yon pong declaration ni Vice President Sara Duterte sa pagka-Pangulo dito po sa disposisyon po ng House Committee on justice and in general dito po sa impeachment po niya mismo,” saad niya.
“We will deliberate it. We will vote on it. On those two points next week. Kung magtutuloy-tuloy po ito towards full proceedings after determination of substance, then we will see at the end Justice deliberation proceedings sa darating pong Miyerkules.” pagtatapos pa niya.
Kaugnay nito, nakatakdang magsimula ang determination in sufficiency in form and substance proceedings ng House Committee on Justice sa mga impeachment complaint laban kay VP Sara sa 10:00 ng umaga sa darating na Lunes, Marso 2, 2026.
KAUGNAY NA BALITA: 'Desisyon nila 'yan!' Palasyo, hahayaan NUP sa boto nito sa impeachment vs VP Sara
KAUGNAY NA BALITA: Rep. Abante sa pagtakbo ni VP Sara: 'She might be winnable, but not unbeatable'
Mc Vincent Mirabuna/Balita
