Iginiit ng defense lead counsel ni dating Pangulong Rodrigo Duterte na si Atty. Nicholas Kaufman na inilatag daw niya sa paraang propesyonal ang huling bahagi ng kaniyang argumento sa isinagawang pagdinig International Criminal Court (ICC). 

Tila taliwas umano ito sa naging pahayag ng dating mambabatas at human rights lawyer na si Atty. Neri Colmenares na “grasping at straws” o pagkapit sa patalim ang naging testimoya ni Kaufman para sa kaniyang kliyenteng si FPRRD. 

“[S]a akin, legally, ibig sabihin grasping at straws na talaga ‘yon—’yong ideliver mo talaga ‘yong kuwento na kawawa si President Duterte hoping na magkaroon ng impact ‘yon sa proceedings,” ani Colmenares noong Biyernes, Pebrero 27, 2026, sa The Hague, Netherlands. 

KAUGNAY NA BALITA: 'Grasping at straws!' Colmenares, nagulat sa emosyonal na apela ni Kaufman para kay FPRRD

Ayon naman sa naging tugon ni Kaufman noon ding Biyernes, sinabi niyang malinaw lang daw niyang inihayag ang kaniyang posisyon para sa publikong mahigit isang taon nang hindi nakikita ang dating Pangulo. 

National

Palasyo, pinabulaanan bali-balitang isinugod sa ospital si PBBM!

“I’m representing a client who has been locked up for a year, who hasn’t seen the public, so of course, I am going to address the public who wants to see him. I made my position very clear,” pagsisimula niya. 

Ani Kaufman, naisip din daw niyang dapat na dumalo si FPRRD sa mga naging pagdinig ng ICC ngunit nirerespeto umano niya ang desisyon nitong i-waive ang kaniyang karapatang dumalo sa confirmation of charges ng hukuman sa mga kasong kinakaharap niya. 

“I felt that he should have [been] there but he’s my client, he took his decision, and I respect that decision. And that decision he took as it turns out was the right decision at all circumstances,” aniya. 

Diin ni Kaufman, tila normal na sa kaniya ang punahin ng umano’y mga “detractors” at ibinahagi rin niyang nabigo umano ang ICC Prosecution na buweltahan siya sa huling bahagi ng pagdinig na isinagawa noong Biyernes. 

“Of course, my detractors again criticize me. The Prosecution tried to strike me from the record, as you saw in the end, but failed miserably. I think that signifies the extent to which they are irritated by the arguments which I made,” saad niya. 

Pagpapatuloy ni Kaufman, propesyonal umano ang kaniyang huling naging mga argumento at mariin din daw nilang napabulaanan ang alegasyong may kaugnayan si FPRRD sa kabuuang 78 na mga biktimang nasawi noon sa war on drugs. 

KAUGNAY NA BALITA: FPRRD, 'criminally responsible' sa 78 biktima ng war on drugs mula 2013-2018!—ICC

“Those arguments were professional. I litigated for the best part of a day and a half on the substance and I am talking about the legal arguments, I’m talking about the evidence,” ‘ika niya. 

“We attacked everyone of those counts which alleged that Mr. Duterte murdered 78 victims. We denied that,” pagtatapos pa niya. 

KAUGNAY NA BALITA: Kaufman, nagsumamong ‘wag kumpirmahin mga kaso ni FPRRD

KAUGNAY NA BALITA: ICC prosecutor kay FPRRD: 'He must answer for the dead!'

Mc Vincent Mirabuna/Balita