ICC prosecution, ibinalandra kinalaman ng 'co-perpetrators' ni FPRRD sa Tokhang-Balita

ICC prosecution, ibinalandra kinalaman ng 'co-perpetrators' ni FPRRD sa Tokhang

Inilahad ng International Criminal Court (ICC) prosecution team ang mga naging gampanin ng co-perpetrators o kasabwat ni dating Pangulong Rodrigo Duterte para maisagawa ang "Oplan Tokhang" o war on drugs sa panahon ng kaniyang panunungkulan.

Sa ikalawang araw ng pagdinig para sa kumpirmasyon ng mga sakdal o confirmation of charges laban kay FPRRD sa Pre-Trial Chamber I, sinabi ni ICC prosecutor Robynne Croft na ang sumusunod na mga personalidad ay naging kasabwat ng dating pangulo para maisakatuparan ang war on drugs, mula mayoral hanggang presidential period, na kinuha naman ang disenyo sa Oplan Tokhang sa Davao City noong mayor pa lamang si Duterte.

Kabilang sa mga pinangalanan sina:

1. Ronald Dela Rosa dating hepe ng Philippine National Police (PNP) at ngayo’y senador

2. Vicente Danao, dating PNP chief of counterintelligence at naging hepe ng pulisya sa Davao City

3. Camilo Cascolan, dating PNP operations chief

4. Oscar Albayalde, dating National Capital Region Police Office (NCRPO) regional director

5. Dante Gierran, dating direktor ng National Bureau of Investigation (NBI)

6. Vitaliano Aguirre II, dating Kalihim ng Department of Justice (DOJ)

7. Isidro Lapeña, dating pinuno ng Philippine Drug Enforcement Agency (PDEA)

8. Bong Go, nagsilbing Special Assistant to the President bago mahalal bilang senador

Ayon kay Croft, ilan sa mga nabanggit ay dati nang nakatrabaho ni Duterte noong alkalde pa siya ng Davao City. Iginiit ng prosekusyon na sa panahong iyon ay may kontrol umano ang grupo sa tinaguriang Davao Death Squad (DDS).

Nang maging pangulo si Duterte, sinabi ni Croft na nagpatuloy umano ang impluwensiya ng mga ito sa mas malawak na antas ng pamahalaan, sa pamamagitan ng pagtatalaga sa kanila.

Bukod sa ilang video clips, binigyang-diin din ni Croft ang ilan sa mga naging pahayag nina Dela Rosa, Danao, Lapeña, at Aguirre patungkol sa war on drugs.

"Your Honor, these speeches of co-perpetrators showed both the scope of the common plan and those co-perpetrators agreement to it," aniya matapos ilabas ang mga video clip na ginawa nilang ebidensya.

Samantala, wala pang reaksiyon, tugon, o pahayag ang mga nabanggit na personalidad matapos ang naging paglalatag ng merits ni Croft.

'Underage pa po ako!' Raoul Manuel, humirit sa 'R.M.' na posibleng tandem ni VP Sara sa 2028

Nagbiro si dating Kabataan party-list Rep. Raoul Manuel sa naging social media post ng social media personality at dating senatorial candidate na si Dr. Richard Mata, patungkol sa posibleng tandem ni Vice President Sara Duterte sa pagtakbo niya bilang Pangulo sa 2028. Mababasa sa post sa verified Facebook page na 'Dr. Richard and Erika Mata' noong Pebrero 22 ang tungkol sa inisyal daw na...

ICC Prosecution, sumagot sa pahayag ni Kaufman tungkol sa mga binitawang salita ni FPRRD

Nagawang sagutin ni International Criminal Court (ICC) Trial lawyer Edward Jeremy ang nauna nang naging pahayag ng Lead legal counsel na si Atty. Nicholas Kaufman patungkol sa mga binibitawang salita umano noon ni dating Pangulong Rodrigo Duterte. Matatandaan kasing sinabi ni Kaufman sa kaniyang pahayag sa unang pagdinig ng ICC sa confirmation of charges ni FPRRD noong Lunes, Pebrero 23, 2026,...

PBBM, inilatag mga katangian ng dapat na ibotong Pangulo ng bansa

Inisa-isa ni Pangulong Ferdinand “Bongbong” Marcos Jr. ang sa tingin niya ay mga katangian ng nararapat na susunod na presidente ng Pilipinas. Ito ay matapos siyang matanong sa dapat na ibotong Pangulo ng taumbayan sa 2028 elections, sa ginanap na Association of Southeast Asian Nations (ASEAN) Editors and Economic Opinion Leaders Forum (AEEOLF) sa Fairmont Hotel sa Makati City nitong Martes,...