‘Don’t be like Brice Hernandez!’ Sec. Dizon, nagbabala sa kabataang papasok sa DPWH-Balita

‘Don’t be like Brice Hernandez!’ Sec. Dizon, nagbabala sa kabataang papasok sa DPWH

Pabirong nagbabala si Department of Public Works and Highways (DPWH) Sec. Vince Dizon sa kabataang papasok sa ahensya sa kanilang ikalawang “Campus Job Fair” nitong Huwebes, Pebrero 12.

“I just hope none of you turns out like Brice Hernandez or Henry Alcantara,” saad ni Dizon sa higit 400 aplikante na dumalo sa DPWH Job Fair sa De La Salle University (DLSU).

Mas lumakas pa ang tawanan ng mga estudyante nang malaman ni Dizon na DLSU alumnus si Hernandez.

“Buti na lang walang La Salle sa mga ‘yon… La Salle ba si Brice? Sorry. Dean, I’m very sorry. I didn’t know Brice was from La Salle. Terrible,” matawa-tawang saad ng kalihim.

“Pagka-kayo naging Brice Hernandez, kulong din kayo. I’m sure none of you will turn out like Brice,” dagdag pa niya.

Sa nasabing job fair, ipinakita ni Dizon sa mga estudyante ang epekto ng mga anomalya sa flood control sa pamamagitan ng mga litrato at video mula sa mga inimbestigahan nilang lugar sa iba’t ibang lugar sa bansa.

“It’s not going to be easy, it’s not going to be overnight. It’s just gonna take years. But if you, guys, idealistic, dynamic, honest, young engineers do not join us, saan pa tayo pupulutin? Saan pa pupulutin ang DPWH? So, we need you to change that. It’s gonna take time, it’s gonna take a lot of hard work from all of us, but we’ve got to start now,” panghihiyakat ni Dizon.

Ang ginanap na job fair sa DLSU ay magpapatuloy pa sa iba’t ibang pamantasan sa buong bansa sa mga susunod pang buwan. Matatandaang ginanap sa Mapúa University ang kauna-unahang job fair noong Enero 2026, kung saan dinaluhan ito ng higit 300 student applicants.

MAKI-BALITA: ‘Samahan n’yo kami!’ DPWH, nanawagan sa kabataan na tumulong sa paglaban sa korapsyon

Matatandaan ding isa si Hernandez sa mga pangalan na inimbestigahan na mayroon kaugnayan sa mga anomalya sa flood control sa bansa.

KAUGNAY NA BALITA: 'Di pera kundi solusyon!' Sec. Dizon, binalikan lamesang nilapagan ng ₱300M nina Alcantara, Hernandez

Sean Antonio/BALITA

Maynila, may pa-'LapLuvan' sa Peb. 13

'LAPLUVAN PERO WALANG MALISYA!'Isang aktibidad ang inihanda ng Lungsod ng Maynila ngayong love month!Sa imbitasyon ng Manila Public Information Office, magsasagawa ang lungsod ng aktibidad na tinawag nilang 'LapLUVan: Walang Malisya.'Magaganap ito ngayong Biyernes, Pebrero 13, 2026 sa Remedios Circle sa Malate, Maynila, 4:00 PM.'Single, taken, it’s complicated, o nasa...

Sundalo, patay sa pamamaril ng kainumang kabaro sa loob ng kampo

Patay ang isang sundalo matapos barilin ng kaniyang kapwa sundalo sa loob ng kampo sa Jamindan, Capiz.Kinilala ng pulisya ang biktima na si Private First-Class Wencel Jay Puntuan, tubong Libungan, Cotabato, habang ang suspek ay si Private First-Class Rosarjoe Manajero ng Lambunao, Iloilo.Ayon sa ulat, bago ang insidente ay nag-inuman umano ang dalawa. Matapos nito, inihatid pa ng biktima ang...

Netizens, pumalag sa ulat na kakasuhan ang driver na nakabangga sa estudyanteng tumalon sa LRT-1

'DAPAT YUNG DRIVER TUMITINGIN DIN PALA SA TAAS PAG NAGDA-DRIVE?'Hindi napigilang mag-react ng mga netizen sa ulat ng Balita tungkol sa kakasuhang driver ng sasakyang nakabangga sa estudyanteng tumalon mula sa LRT-1, FPJ station noong Miyerkules, Pebrero 11, 2026.Matatandaang isang estudyanteng lalaki ang kinumpirma ng Light Rail Manila Corporation (LRMC) na tumalon mula sa nasabing...