Naungkat ni Ultimate Multimedia Star Toni Gonzaga ang naranasan umano niyang pambubugbog noong 2022 elections.
Sa latest episode kasi ng “Luis Listens” kamakailan, napag-usapan ang tungkol sa paglipat niya noong 2005 mula GMA Network patungong ABS-CBN.
“Kumusta ‘yong transfer na ‘yon?” tanong ni TV host-actor Luis Manzano. “Noong time na ‘yon kasi matindi ang network wars, e. Ngayon collab-collab na tayo, e.”
“Thank, God, walang social media. Can you imagine kung may social media na noon,” sagot ni Toni.
Tuesday Vargas humihingi ng trabaho sa mga kaibigang writer, producer, director
Dagdag pa niya, “Kung ano ‘yong [ikinabugbog] ko noong eleksyon noong 2022…’yong level no’n, siguro magka-level ‘yon no’ng time na ‘yon, kung may social media na no’ng time na ‘yon.”
Ayon kay Toni, mainit daw kasi talaga ang labanan noon sa pagitan ng ABS-CBN at GMA Network.
“‘Yon ‘yong peak ng GMA with ‘Eat Bulaga,’ ‘Darna,’ ‘yong primetime nila, ‘SOP,’ dugtong pa niya.
Matatandaang isa si Toni sa mga naging kontrobersiyal na personalidad noong 2022 presidential elections.
Sa katunayan, inulan siya ng batikos matapos niyang kapanayamin ang noo’y kandidato na pa lang na si Pangulong Ferdinand “Bongbong” Marcos, Jr.
Maki-Balita: Toni Gonzaga, inulan ng kritisismo matapos ang panayam kay BBM
