Naglabas ng pahayag ang koalisyong “Tindig Pilipinas” kaugnay sa pagbasura ng House Justice Committee sa reklamong impeachment laban kay Pangulong Ferdinand “Bongbong” Marcos, Jr.
Kaugnay na Balita: 'Insufficient in substance!' Impeachment complaints kay PBBM, dedo sa Kamara
Sa latest Facebook post ng koalisyon nitong Biyernes, Pebrero 6, sinabi nilang muli na namang pinigilan ang pagpapalitaw sa katotohanan matapos ideklarang “insufficient in substance” ang naturang reklamo kontra sa Pangulo.
Anila, “[I]t is concerning that many members of the House Justice Committee who voted that the impeachment complaints against President Marcos were insufficient in substance prematurely raised questions about the truth of the allegations.”
'I am being briefed!' SP Sotto, naghahanda sa posibleng pagratsada ng impeachment ni VP Sara
“While we make no presumptions about the reasons for the committee members’ votes, the result is clear: once again, the truth was prevented from emerging,” dugtong pa ng Tindig Pilipinas.
Ayon sa grupo, marami pa rin umanong katanungang hindi nasasagot kabilang na rito ang papel ng Pangulo sa maanomalyang flood control projects.
Kaya naman panawagan ng Tindig Pilipinas, tiyakin ng House Committe on Justice na tugunan ang mga tanong tungkol sa katotohanan sa likod ng umano’y impeachable offenses sa mga ihahain pang impeachment complaint sa hinaharap.
Dagdag pa nila, “It is clear to us that the complaints had enough substance to merit further investigation. This is clearly a hatchet job.”
Samantala, masaya naman si Pangulong Marcos, Jr. sa naging resulta ng impeachment complaint laban sa kaniya.
“I’m glad that the impeachment complaint against me [has] been finished,” saad ng Pangulo.
Maki-Balita: PBBM, 'happy' sa pagbabasura ng impeachment complaint laban sa kaniya
