Tumanggi nang magkomento si Presidential son at Ilocos Norte 1st district Rep. Sandro Marcos hinggil sa pagkakabasura ng Kamara sa impeachment complaints laban sa kaniyang amang si Pangulong Ferdinand “Bongbong” Marcos, Jr.
Sa ambush interview sa kaniya ng media nitong Miyerkules, Pebrero 4, 2026, iginiit niyang mas makakabuti raw kung hindi na lang siya magkokomento hinggil sa naturang desisyon ng House Committee on Justice.
“As I'm concerned, I think it’s best for me not to comment,” ani Marcos.
Matatandaang kapuwa ibinasura ng nasabing komite ang dalawang impeachment complaints laban kay PBBM, matapos nila itong ideklarang insufficient in substance.
‘It was the majority!' Liderato ni SP Sotto sa Senado, napanatili pa rin ng mayorya?
KAUGNAY NA BALITA: 'Insufficient in substance!' Impeachment complaints kay PBBM, dedo sa Kamara
Nakakuha ng botong 42-1-3 ang unang impeachment complaint na inihain ni Atty. Andre De Jesus habang 7-39-0 naman ang nakuhang boto ng reklamong inihain ng Makabayan Bloc.
Samantala, sa panayam ng media kay ACT Teachers Partylist Rep. Antonio Tinio, tahasan niyang pinuna ang naging desisyon ng justice committee.
“Sabi nila wala raw ebidensya, sabi nila hindi raw impeachable ang mga offense na nasa complaint. Hindi po yun ang tungkulin ng mga kinatawan ng justice committee,” ani Tinio.
Hirit pa niya, “Hindi nila tungkulin na mag-abogado para sa Presidente.”
