Castro sa pag-inhibit ni Rep. Sandro sa sarili sa impeachment vs PBBM: 'It shows his character, decency'-Balita

Castro sa pag-inhibit ni Rep. Sandro sa sarili sa impeachment vs PBBM: 'It shows his character, decency'

Sinabi ni Palace Press Officer at Presidential Communications Office (PCO) Undersecretary Atty. Claire Castro na ang pag-inhibit ni Ilocos Norte 1st District Rep. at House Majority Leader Sandro Marcos sa kaniyang sarili kaugnay sa nakahaing impeachment complaints laban sa kaniyang amang si Pangulong Ferdinand “Bongbong” Marcos Jr. ay pagpapakita ng kaniyang “character” at “decency.”

Sa isinagawang press briefing ng PCO nitong Martes, Enero 27, inihayag ni Castro na ito raw ay “hallmark of a statesman.”

“The act of Congressman Sandro Marcos inhibiting himself voluntarily from this issue—especially regarding the impeachment complaint filed against his own father—it is a hallmark of a statesman. It shows his character, it shows his decency,” saad ni Castro.

“And we believe that it is the right thing to do,” dagdag pa niya.

Iginiit pa ng press officer na hindi umano nakikisawsaw ang Pangulo kaugnay sa mga ginagawa ng kaniyang anak.

“Hindi po nakikialam ang Pangulo sa mga anumang aksyon na gagawin ng kaniyang anak, dahil ang alam po niya, kailangan lamang pong tumupad ng kaniyang anak sa mandato,” anang press officer.

“Bilang public servant, alam po ni Congressman [Sandro] Marcos kung ano po ang sinasabi ng batas at ano po ang dapat niyang gawin,” pagtatapos niya.

Ayon kay Rep. Sandro, ang kaniyang desisyong i-inhibit ang sarili sa naturang impeachment proceedings laban sa ama ay naglalayong paigtingin ang integridad at kredibilidad sa proseso.

"This decision is guided not by legal compulsion, but by a higher obligation—to preserve the integrity of the House of Representatives, to protect the credibility of its processes, and to uphold the public’s trust in our constitutional system," saad niya sa isang pahayag noong Lunes ng umaga, Enero 26.

Matatandaang iginiit kamakailan ng Palasyo ang mandato ni Rep. Sandro kaugnay sa impeachment complaints laban sa amang si PBBM.

“Hindi puwede rito ang kamag-anak, kaalyado. Kung ano po ang mandato ni Congressman Sandro, ipatupad niya po ‘yon. Wala dapat siyang kinikilingan, kahit ama niya po ang masasabing malalagay dito sa impeachment complaint,” saad ni Castro sa hiwalay na press briefing kamakailan.

MAKI-BALITA: 'Wala dapat siyang kinikilingan!' Palasyo idiniin mandato ni Rep. Sandro sa impeachment complaint vs PBBM-Balita

Vincent Gutierrez/BALITA

Pikon dahil sa pagpindot ng doorbell, namaril ng Grade 12 students!

Arestado ang isang lalaki matapos mamaril ng Grade 12 students na umano'y pinagtripan ang pagpindot sa doorbell ng kaniyang bahay sa Lipa City, Batangas.Ayon sa ulat ng ABS-CBN News nitong Martes, Enero 27, Brgy. pinaulanan ng bala ng suspek ang nasa anim na kabataang lalaking nasa Grade 12, matapos umanong pindutin ng isa sa kanila ang doorbell ng bahay niya sa Brgy. Marauoy.Ang mga...

Impeachment complaint vs PBBM, wala nang puwedeng humabol!—Garafil

Nilinaw sa publiko ni House Justice Committee Secretary General Cheloy Garafil na wala na raw maaaring humabol pa sa pagsasampa ng bagong impeachment complaint laban kay Pangulong Ferdinand “Bongbong” Marcos, Jr.Ayon sa naging pahayag ni Garafil sa ambush interview ng media sa kaniya nitong Martes, Enero 27, sinabi niyang hindi na raw puwedeng humabol ng ilang indibidwal o grupo para magsampa...

Erpat, timbog matapos umanong gahasain 5-anyos na anak na babae

Arestado sa ikinasang manhunt operation ng mga awtoridad ang isang 39 taong gulang na ama matapos umano niyang halayin ang sarili niyang anak.Ayon sa mga ulat, hinuli ang suspek sa Brgy. Paitan, Quezon, Bukidnon, sa bisa ng warrant of arrest para sa kasong Qualified Rape of Minor and Sexual Assault, na inisyu sa Malaybalay, Bukidnon court noong Enero 16, 2026.Base pa sa impormasyong inilatag ng...