Inamin ni Ultimate Multimedia Star Toni Gonzaga na minsan na raw niyang hinangad noon na ipabago ang kaniyang panga.
Sa latest episode kasi ng “Toni Talks Cards” nitong Linggo, Enero 25, nabunot nina Toni—kasama ang guest na sina Luis Manzano at Bayani Agbayani—ang tanong na anong pisikal na katangian nila ang gusto nilang ipabago kung sakali man.
“Wala,” saad ni Bayani, “I’m perfect because Lord created all of us in perfect figure.”
Sabi naman ni Toni, “Ako dati noong bata ako, kung may babaguhin ako ‘yong panga ko.”
Alessandra, maganda raw boses pero hindi pinush pagkanta: 'Pangit ng mga kanta, 'di bagay sa akin!'
“Kaya lang, sa tagal ko nang nabuhay sa mundo, tapos nagawan ko na ng paraan paano siya ma-make-upan, matago, maiangkop sa mga pananamit ko [at] hitsura ko,” dugtong pa niya.
Pero ayon kay Bayani, wala naman daw kinakailangan pang ipabago si Toni dahil napakaganda na nito.
Dagdag pa niya, “Ang dapat mo lang baguhin, ‘yong kapatid mo. Kumuha ka ng ibang kapatid. Kahit saan ‘wag lang si Alex. Nakakasira sa pamilya n’yo ‘yon.”
Samantala, wala rin umanong balak ipabago si Luis sa pisikal na hitsura niya.
Aniya, “No’ng nakita mo ang ‘Monalisa’ gusto mong baguhin? Wala na, perfect na.”
