Naghayag ng pagkadismaya ang mag-jowang sina Nadine Lustre at Christophe Bariou sa ginawang trato sa dambuhalang sawa na natagpuan sa kalsada ng Davao City.
Mapapanood sa viral video kamakailan na hinila, inikot, at hinampas sa semento ang sawa sa halip na tulungan o iligtas.
Kaya sa Instagram story ni Nadine noong Huwebes, Enero 22, ni-reshare ni Nadine ang serye ng mga IG story ni Christophe hinggil dito.
“This was a terrible and cruel act to witness. I commend the justified, horrified reactions of most people who saw this. I truly wish someone had stopped that person immediately,” mababasa sa text caption.
Vice Ganda, pasimpleng kinumpirma breakup nina Ryan Bang, Paola Huyong?
Dagdag pa rito, “At the same time, I can't help but think that if this had been a dog or a cat being tormented in plain sight, witnesses would have intervened without hesitation. That's something worth reflecting on.”
Iginiit ng dalawa na lahat umano ng hayop ay nasasaktan at nahihirapan maski ang mga reptile na nahihirapang makipag-ugnay sa mga tao.
Matatandaang nauna nang manawagan ang People for the Ethical Treatment of Animals (PETA) para paalalahanan ang publiko na maging maingat sa paghawak ng sawa .
Anila, “Philippine pythons are shy, generally docile animals who pose little threat and deserve gentle, respectful treatment.”
“We share this planet with wildlife, and when animals enter human spaces, the normal human response should be mercy and compassion—not fear and cruelty,” dugtong pa ng PETA.
Pinasalamatan naman nina Nadine at Christophe ang pahayag na ito ng grupo.
Maki-Balita: PETA, umalma sa viral video ng sawa na ibinalibag sa daan sa Davao City
