Mariing umalma ang mga samahan ng Liberal Party of the Philippines, Akbayan Partylist, at Mamamayang Liberal (ML) Partylist kaugnay sa sinabi nilang pagbabanta ng China sa ilang mga opisyal ng Pilipinas.
Ayon sa naging pahayag ng mga nasabing samahan sa kani-kanilang mga Facebook page nitong Miyerkules, Enero 21, pinuntirya nila ang pagsasabi umano ng China na “stop or pay the price” para sa ilang mga opisyal ng bansa.
“The warning by the government of China that Philippine officials must ‘stop or pay the price’ is a reckless escalation that directly threatens the Filipino people,” pagsisimula nila.
Dagdag pa nila, “No state has the authority to threaten officials of another sovereign country for speaking publicly about verified developments within their own maritime domain. Statements made by Philippine personnel regarding incidents in the West Philippine Sea are grounded in documented events, conveyed in the exercise of official duty, and consistent with international law, including the binding 2016 Arbitral Award.
‘Sila ay mga bayani!’ VP Sara, binigyang-pugay legasiya, alaala ng SAF 44
Photo courtesy: Akbayan Partylist (FB)
Anila, tanging ang mga illegal incursions, aggressive manners, at pagbabanta nila ang nagpapataas ng tensyon sa pagitan ng China at Pilipinas, hindi ang pagsasabi ng katotohanan ng ilang mga opisyal sa bansa.
“Labeling transparency as 'provocation' is a cynical attempt to fool the international community. Truth-telling does not escalate tensions; China's illegal incursions, aggressive maneuvers, and open threats do,” pagdidiin nila.
Nanawagan din sila sa Department of Foreign Affairs (DFA) na magsagawa ng diplomatikong aksyon kaugnay sa pagpuna ng Chinese embassy sa ilang mga opisyal ng pamahalaan.
Patuloy pa nila, dapat daw pangunahan ng DFA ang pagtatanggol sa taumbayan at mga opisyal na naglalahad ng kanilang karapatan at tungkulin para sa bansa.
Nagpaabot din ng patuloy na suporta ang mga nasabing samahan sa taumbayan at mga uniformed personnel na ginagampanan ang kanilang tungkulin sa paraang propesyonal at tapat sa katotohanan.
“We affirm our support for Philippine civilian and uniformed personnel who continue to carry out their responsibilities with restraint, professionalism, and fidelity to facts. We likewise affirm that the peaceful resolution of disputes requires respect for international law and proper diplomatic channels—not warnings designed to deter lawful speech,” saad nila.
“The Philippines will continue to assert its rights openly and responsibly. The preservation of peace in the region depends on it,” pagtatapos pa nila.
MAKI-BALITA: Pabiktima? Sen. Risa, binira pagiging 'balat-sibuyas' ng China sa WPS
MAKI-BALITA: Diokno rumesbak sa pambabastos ng Chinese officials kina Pangilinan, Tarriela, De Lima
Mc Vincent Mirabuna/Balita
