Sinampahan ng kasong cyber libel ni House Deputy Speaker Ronaldo Puno si Cavite 4th District Rep. Kiko Barzaga sa Office of the Prosecutor sa Antipolo City dahil sa naging Facebook post ng solon noong Enero 9, 2026, tungkol sa National Unity Party (NUP). 

“NUP Congressmen received bribes from Enrique Razon in various gatherings in Solaire prior to the 2025 elections in exchange for supporting Speaker Martin Romualdez,” mababasa sa nasabing post ni Barzaga noon. 

KAUGNAY NA BALITA: Sey ni Barzaga: NUP Congressmen, tumanggap umano ng 'lagay' kay Enrique Razon kapalit ng suporta kay Romualdez

Ayon naman sa naging paliwanag ni Puno mula sa kaniyang Facebook post matapos niyang magsampa ng kaso nitong Martes, Enero 20, sinabi niyang malisyoso at malinaw daw na intensyon ni Barzaga na sirain ang reputasyon ng NUP nang walang kahit anong basehan. 

National

Sen. Estrada sa ₱800 wage hike ng mga kasambahay: 'A great help'

“Actions have consequences, especially when they are malicious and clearly intended to destroy reputations without any basis,” saad niya. 

Dagdag ng Deputy Speaker, hindi raw puwedeng basta na lang mag-akusa si Barzaga sa kaniyang Facebook page sa NUP at asahang hindi iyon makikita ng milyon-milyong netizens. 

“You cannot casually accuse someone of a crime, broadcast it to millions, and expect to hide behind social media antics. We will pursue full accountability under the law,” diin niya. 

Nahaharap umano si Barzaga sa mga kasong ng iba’t ibang mga elemento ng cyber-libel sa ilalim ng Section 4(c)(4) of Republic Act No. 10175, na may relasyon sa Articles 353 at 355 ng the Revised Penal Code, bilang amended sa Republic Act No. 10951. 

Mariin ding itinanggi ni Puno na nakatanggap siya ng lagay sa mula sa negosyanteng si Enrique Razon upang suportahan si dating House Speaker Martin Romualdez noon taliwas umano sa alegasyon ni Barzaga.

Pagpapatuloy ni Puno, naghahanda na ng maghain ng kaso ang iba pang mga miyembro ng NUP laban kay Barzaga. 

“Other NUP Members who were similarly maligned are already in the process of filing their own complaints,” pagbabahagi niya. 

“This is not about rhetoric. As we’ve said before, this is about protecting our reputations and enforcing accountability when outright falsehoods are thrown at us,” pagtatapos pa niya. 

MAKI-BALITA: Sey ni Barzaga: NUP Congressmen, tumanggap umano ng 'lagay' kay Enrique Razon kapalit ng suporta kay Romualdez

MAKI-BALITA: Congressmeow, nag-sorry kay Enrique Razon—Mon Tulfo

Mc Vincent Mirabuna/Balita