Tila bagong ginto na naman ang nasungkit ng Filipina weighlifter at Olympic medalist na si Hidilyn Diaz-Naranjo matapos niyang pormal na pasukin ang karera ng pagtuturo.

Sa ulat na ibinahagi ng University of the Philippines (UP) Diliman noong Lunes, Enero 19, mababasang dumalo si Diaz-Naranjo sa Teaching Effectiveness Course (TEC) mula Enero 12, 2026 hanggang Enero 15, 2026 bilang paghahanda sa kaniyang pagtuturo sa College of Human Kinetics (CHK).

“Good thing na naka-attend ako nitong TEC. Nagkaroon ako ng idea kung paano iyong magiging approach ko sa pag-handle ng class. I am also thankful for my CHK colleagues’ support, they were there to cheer and help me,” saad ni Diaz-Naranjo sa pakikipanayam niya sa UPD.

Dagdag pa niya, “I want to educate more people para mas maraming makaintindi ng weightlifting, kasi ang weightlifting ay regular event na sa Palarong Pambansa.”

Noong Oktubre 2025, matatandaang kinumpirma na ng UPD Department of Sports Science na magtuturo nga sa nasabing unibersidad si Diaz-Naranjo.

“Olympic gold medalist Hidilyn Diaz-Naranjo met with members of the College Executive Board of UP CHK as part of the preparations for her upcoming teaching engagement. The meeting discussed course setup, logistical arrangements, and initiatives to further promote weightlifting in collegiate sports,” saad nila sa kanilang social media post kamakailan.

MAKI-BALITA: Hidilyn Diaz, magtuturo sa College of Human Kinetics ng UP Diliman-Balita

Vincent Gutierrez/BALITA