Siniguro ni House Committee On Good Government and Public Accountability Rep. Joel Chua ang balanseng pagtalakay nila sa impeachment complaint laban kay Pangulong Ferdinand “Bongbong” Marcos, Jr.
Ayon kay Chua, dadaan ang nasabing impeachment complaint sa masusing pagsusuri ng Kamara upang matukoy ang mga ebidensya nito at mapagtibay ang proseso habang gumugulong ito sa kanilang institusyon.
“The complaint will be received, evaluated for sufficiency in form and substance, and processed in accordance with established procedures,” saad ni Chua.
Dagdag pa niya, wala raw silang magiging shortcuts at prejudgment sa paghawak nila ng impeachment case laban kay PBBM.
VP Sara, FPRRD pinag-usapan 15 nawawalang indibidwal sa Davao Occ
“There will be no shortcuts, and there will be no pre-judgment,” saad ni Chua.
Matatandaang pinangunahan ni House Minority Leader Pusong Pinoy Party-List Rep. Jett Nisay ang kauna-unahang impeachment case laban kay PBBM.
Ayon kay Nisay, may kaugnayan ang naturang impeachment sa paglipat ng ₱60 bilyong pondo ng Philippine Health Insurance Corporation (PhilHealth) sa national treasury at iba pang mga grounds.
KAUGNAY NA BALITA: Solon, naghain ng impeachment complaint vs PBBM sa Kamara!
Pagsisiguro pa ni Chua, hindi rin daw magpapadaan ang Kamara sa mga pressure na maaaring sumulsol sa sa impeachment ng Pangulo.
“The House will examine the complaint on its face, determine whether it meets constitutional and jurisprudential standards, and act accordingly—guided by reason, evidence, and law, not by noise or pressure,” giit ni Chua.
Samantala, iginiit naman ng Palasyo na kinikilala nila ang isinampang impeachment case laban kay PBBM at sinabing nagtitiwala sila sa Konstitusyon at sa Kamara.
“The Palace recognizes that the filing of complaints is part of the democratic process provided for under our Constitution. We respect this process and trust that Congress, as a co-equal branch of government, will discharge its duties with honesty, integrity, and fidelity to the rule of law” saad ng PCO.
KAUGNAY NA BALITA: ‘We respect the process!' Palasyo tanggap, impeachment laban kay PBBM
