Tila napa-relapse ang aktor na si Enchong Dee sa entry niya sa nauusong “2016 throwback” trend noong Linggo, Enero 18.
Makikita sa social media post ng aktor na ang nasabing entry ay binubuo ng slideshow ng mga litrato niya kasama ang aktres at dating ka-loveteam na si Erich Gonzales.
“[B]est memories with my ‘day #2016,” ani Enchong.
Bukod pa rito, ginamit niyang soundtrack sa montage nila ay ang kantang “Multo” ng Cup of Joe.
Michael Pacquiao, 'sobrang Latino' dahil sa ilong
Nagawa pa ni Enchong magkomento sa sariling post ng, “Memories since 2016
Relapse Kit .”
Kaya mabilis itong nakaani ng higit 300K engagement at 6.6K na komento, na karamihan ay puro pangangantyaw mula sa netizens.
“[F]orever yearner na ba? HAHAHAHA hindi maka usad ah, literal na multo.”
“[P]atron saint of relapse”
“Enchong Dee maka move on.”
“2026 na chong tama kanaa HAHAHAH”
“1M exes vs.Enchong Dee”
“[K]aunting memories sobrang relapse HAHAHAHA”
Unang sinubaybayan ang tambalan nina Enchong at Erich noong 2009 sa TV series na “Katorse.”
Ilan pa sa pinagsamahan nilang mga proyekto ay ang “I Do” (2010) at “Once a Princess.”
Noon pa ma’y naging matalik nang magkaibigan ang dalawang aktor.
Sean Antonio/BALITA
