Nag-withdraw umano ng suporta si Philippine Army (PA) officer Col. Audie A. Mongao kay Pangulong Bongbong Marcos, Biyernes, Enero 9, 2026.
Sa isang Facebook post ni UPI Convenor at retired Air Force General Romeo Poquiz, ibinahagi niya ang umano'y deklarasyon ng pagbawi ng suporta ni Mongao kay Marcos.
Makikita sa naturang Facebook post ang mensahe umano ni Mongao.
"I, Col. Audie A. Mongao O-10933 INF (MNSA) PA, is withdrawing my personal support to our President and Commander in Chief, Ferdinand 'Bongbong' Marcos, Jr!" nakasaad sa mensahe na makikita umano sa social media account ni Mongao.
Grok, hindi na aalisin sa Pinas—DICT
"Sobra na, tama na! The Filipino people is worth fighting for," giit pa ni Mongao.
Suportado naman ni Poquiz si Mongao sa naging desisyon umano nito.
“We stand in deep respect and full support of Colonel Audie A. Mongao, a soldier of 34 years in active service, who has chosen conscience over convenience, honor over silence, country over power,” aniya.
Sinaluduhan naman ni dating Executive Secretary Atty. Vic Rodriguez ang ginawa ni Mongao.
"Saludo at respeto. I stand with Col. Audie Mongao, Philippine Army (PA), a principled officer who stood firm on his, loyalty to the flag and to the Filipino Poeple, not to the man whose administration has robbed the people of their fundamental rights, decency and dignity through massive corruption, looting of public funds and drug addiction," ani Rodriguez sa kaniyang Facebook post.
"Col. Mongao, you made not just your family proud but have earned the trust and respect of the nation sir," dagdag pa niya.
Samantala, wala pang pahayag ang AFP para kumpirmahin o pabulaanan ito. Wala pa rin pahayag Palasyo kaugnay sa pagbawi ng suporta ni Mongao sa Pangulo.
---
UPDATE: Col. Audie Mongao, sinibak sa puwesto matapos bawiin umano ang suporta kay PBBM
