Naglabas ng pahayag ang Department of Foreign Affairs (DFA) kaugnay ang natapos na bakbakan sa pagitan ng mga bansang America at Venezuela.
Ayon sa Facebook post ng DFA sa kanilang page nitong Lunes, Enero 5, inalala nila ang magiging epekto umano sa kapayapaan at “stability” ng ipa bang mga estado sa mundo matapos ang naging pag-atake ng America sa Venezuela.
“The Philippines views with concern the evolving events in Venezuela and their consequential impact on peace and stability in the region as well as on the rules-based international order,” pagsisimula nila.
Kahit labag sa Int'l law? Kiko Barzaga, umapela ng 'foreign intervention' gaya raw ng nangyari sa US-Venezuela
Photo courtesy: DFA (FB)
Anang DFA, bagama’t kinikilala raw ng Pilipinas ang konsiderasyon ng America para sa kanilang seguridad, idiniin nilang dapat din daw kilalanin pa rin ang mga batayan sa “international law” para sa kalayaan, pagkakapantay-pantay, at kapayapaan ng bawat estado sa mundo.
“While acknowledging the United States' underlying security considerations, the Philippines stresses the relevant principles of international law, including the independence and sovereign equality of states, the peaceful resolution of disputes, the prohibition against the threat or use of force, and non-interference in the domestic affairs of sovereign states,” anila.
Nanawagan din ang DFA sa iba pang mga bansa na pairalin ang pagpipigil upang hindi na umano pa lumaki ang naganap na problema at tulungang ibalik ang kapayapaan sa Venezuela para na rin sa mga Pilipinong naroroon.
“The Philippines calls on concerned parties to respect international law, including the UN Charter, exercise restraint to prevent escalation of conflict, restore peace and order in Venezuela and promote the safety and well-being of all the people, including the Filipinos living in Venezuela and the surrounding countries,” pagtatapos nila.
MAKI-BALITA: Sana oil! Bakit interesado si US Pres. Donald Trump sa langis ng Venezuela?
MAKI-BALITA: ‘Be mindful!’ PH Embassy, nagbaba ng abiso para sa kaligtasan ng mga Pinoy sa Venezuela
Mc Vincent Mirabuna/Balita
