Nakiramay ang Department of Public Works and Highways (DPWH) sa pagpanaw ng kanilang dating undersecretary na si Catalina Cabral.
Kaugnay na Balita: Ex-DPWH Usec. Cabral, pumanaw na
Sa isang Facebook post, nagpaabot ng pakikiramay ang DPWH sa pamilya ni Cabral, na mahigit 40 na taong naglingkod sa naturang ahensya.
"The Department of Public Works and Highways (DPWH) extends our deepest condolences to the family of former Undersecretary Maria Catalina Cabral during this very difficult time," saad ng ahensya sa isang pahayag nitong Biyernes, Disyembre 19.
MMDA Chair Artes, winelcome si ex-PNP Chief Gen. Torre bilang bagong MMDA General Manager
"Undersecretary Cabral served the Department for more than 40 years, and her loss will be mourned throughout the organization," dagdag pa niya.
Nanawagan ang DPWH sa publiko na respetuhin ang pribadong pagluluksa ng pamilya ng namayapang opisyal.
"We recognize the profound loss the family is facing and offer our sincerest prayers. The Department urges everyone to respect the family’s need for privacy as they mourn and come to terms with the sudden loss. We thank you for your compassion and understanding."
Matatandaang kinumpirma ng Benguet Provincial Police Office ang pagpanaw ng ginang matapos maiulat na natagpuan umano ang katawan nito na “unconscious” at “unresponsive” malapit sa ilog ng Bued sa Tuba, Benguet matapos umanong mahulog sa bangin noong Huwebes ng gabi, Disyembre 18.
Bandang 12:03 ng madaling araw ng Biyernes, Disyembre 19, nang kumpirmahin ng mga awtoridad na pumanaw na si Cabral.
Maki-Balita: Dating DPWH Usec. Cabral, pumanaw matapos mahulog umano sa bangin
Matatandaan ding kabilang si Cabral sa listahan ng mga opisyal ng DPWH na pinakakasuhan bago matapos ang taon dahil sa pagkakasangkot umano nito sa maanomalyang flood control projects.
Maki-Balita: Romualdez, 86 iba pa inirekomendang kasuhan bago matapos ang taon—Sec. Dizon
