Pinasinungalingan ni Cavite 2nd District Rep. Lani Mercado-Revilla ang umano’y pahayag niya laban kay Pangulong Ferdinand “Bongbong” Marcos Jr. hinggil sa posibleng pagkakaaresto sa kaniyang asawang si Ramon “Bong” Revilla Jr.

Sa ibinahaging social media post ni Rep. Mercado-Revilla noong Lunes, Disyembre 8, nilinaw niyang fake news ang post na nagsasabing si PBBM dapat ang makulong, at hindi ang kaniyang asawa.

“Ito ay fake news. Walang statement na nilalabas ang inyong Ate Lani ukol dito. Huwag basta maniwala, hindi lahat ng nasa internet ay totoo. Don’t spread fake news. Maging mapanuri. Maraming salamat po!” saad ni Mercado-Revilla sa kaniyang post.

Photo courtesy: Lani M. Revilla/FB

Kaugnay sa isyung kinahaharap ni Bong Revilla, matatandaang nauna na ring sinabi ni Ombudsman Remulla na maaari itong mabigyan ng warrant of arrest, kasama ang iba pang mambabatas at politiko tulad nina dating Ako Bicol Partylist Rep. Zaldy Co, dating senador at ngayo’y Makati City Mayor Nancy Binay, Sen. Joel Villanueva, Sen. Jinggoy Estrada, at iba pa.

MAKI-BALITA: Co, Revilla, Estrada, Escudero atbp., may aginaldong warrant of arrest bago magpasko—Ombudsman-Balita

Vincent Gutierrez/BALITA