Magpapaalam na sa Premier Volleyball League (PVL) ang Chery Tiggo Crossovers (CTC) matapos nitong maging miyembro ng liga sa loob ng 11 taon.
Mababasa sa ibinahaging social media post ng volleyball team nitong Martes, Disyembre 2, na nagpapasalamat sila sa dedikasyon at puso ng dati at kasalukuyan nilang mga manlalaro.
“With heavy hearts, we announce the closing of the Chery Tiggo EV Crossovers' chapter, after 11 unforgettable years in professional volleyball,” panimula ng CTC.
“From our beginnings as the Foton Tornadoes to our journey as the Chery Tiggo EV Crossovers, we celebrate the milestones: the championship, the talent we developed, and representing the Philippines on the biggest stage,” saad pa nila. “To our leagues, sponsors, staff, and most especially to our players past and present, thank you for your dedication and heart.”
Ipinaabot din ng professional team ang pasasalamat sa kanilang mga tagasuporta, na anila’y naging rason upang sila’y magkaroon ng hindi malilimutang mga karanasan.
“To our incredible fans: you have been the soul of this team. Your unwavering support made this journey extraordinary,” anila.
“The legacy of resilience, teamwork, and the spirit of the Chery Tiggo EV Crossovers will endure. We are profoundly grateful for every moment,” pagtatapos nito.
Photo courtesy: cherytiggocrossoversph/IG
Matatandaang nagtapos sa ikasampung puwesto ang CTC sa katatapos lamang na 2025 PVL Reinforced Conference—kung saan nasungkit ng Petro Gazz Angels (PGA) ang kampeonato, silver para sa ZUS Coffee Thundebelles, at bronze naman para sa Akari Chargers.
Hinirang na Most Valuable Player (MVP) ng naturang conference si Brooke Van Sickle ng PGA, samantalang Finals MVP naman si MJ Phillips ng parehong koponan.
Vincent Gutierrez/BALITA
