Hindi sisipot pisikal o virtual si dating Pangulong Rodrigo Duterte sa pagbasa ng desisyon ng International Criminal Court (ICC) kaugnay sa kaniyang interim release ngayong Biyernes, Nobyembre 28.
Ayon sa ginawang waiver ni FPRRD sa ICC na nakapetsa noong Nobyembre 25, 2025, sa The Hague, Netherlands, sinabi niyang ang abogado niyang si Atty. Nicholas Kaufman ang dadalo sa nasabing pagdinig kaugnay sa desisyon ng hukuman.
“I, Rodrigo Roa Duterte, respectfully waive my right to appear before the Appeals Chamber on 28 November 2025 at 10:30 and, consequently, instruct my lawyers to hear the judgment that will be rendered on my appeal against Pre-Trial Chamber I's decision on interim release,” mababasa sa waiver ng dating pangulo.
Photo courtesy: ICC
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Kaugnay nito, ipinaalam na rin ng legal counsel ni FPRRD sa pangunguna ni Kaufman noong Huwebes, Nobyembre 27, 2025, sa The Hague na ang abogado niya ang sisipot para marinig ang desisyon ng ICC.
“With the leave of the Appeals Chamber, the Defence hereby places on the record Mr. Duterte’s signed waiver of his right to be present on November 28, 2025, during the reading of the judgment on the Defence appeal against Pre-Trial Chamber I’s decision on interim release,” ayon kay Kaufman.
Sa kabila nito, nakatakda pa ring ituloy ng ICC ang pagbasa nila sa desisyon kaugnay sa interim release ng dating Pangulo sa ganap na 5:30 ng hapon ngayong Biyernes, Nobyembre 28, 2025.
Matatandaang nahaharap ang FPRRD sa umano’y kasong crimes against humanity kaugnay sa madugong giyera kontra droga sa kaniyang panunungkulan noon bilang Pangulo ng Pilipinas.
MAKI-BALITA: Ex-Pres. Duterte, nasa kustodiya na ng ICC
MAKI-BALITA: Kitty Duterte, naghain ng 'Urgent Motion' sa Korte Suprema sa agarang pagbalik kay FPRRD sa Pilipinas
Mc Vincent Mirabuna/Balita
