'HE WAS TRYING TO EXPLAIN HIS SIDE'
Isiniwalat ni Ombudsman Jesus Crispin Remulla na tinawagan siya ni dating House Speaker Martin Romualdez kaugnay umano sa flood control scandal.
Sinabi ito ni Remulla sa isang law forum na inorganisa ng University of the Philippines College of Law sa Bonifacio Global City nitong Huwebes, Nobyembre 10, na iniulat ng ABS-CBN News.
Ani Remulla, tinawagan daw siya ng dating house speaker no'ng itinalaga siya bilang Ombudsman. Sinagot niya raw ang tawag "out of respect," dahil sila ay magkatrabaho noon sa House of Representatives.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
“He was trying to explain his side, that he had no hand in many things but that’s all I can remember. I don’t really remember the specifics. Of course, he was trying to make a case, his case, that he had nothing to do with anything," sabi ng Ombudsman.
Ang sagot lang aniya kay Romualdez: “We’ll just follow the evidence. That’s it."
Samantala, sa naturang forum ay itinanong sa kaniya ni U.P. professor Winnie Monsod kung magsasampa ba ng kaso ang Ombudsman laban kay Romualdez.
"Oh yes, yes ma’am. Yes ma’am,” aniya. “I’ve discussed even this morning with my people. I’ve discussed with certain politicians from the House who are not with him. I just gave them an idea of what can be, what we are not getting about."
Gayunpaman, tinitingnan pa rin ni Remulla ang iba't ibang anggulo at ebidensya bago tuluyang magsampa ng kaso.
BALIKAN: Sa inilabas na pahayag ni Romualdez noong Sabado, Nobyembre 15, 2025, tahasan niyang iginiit na nananatili pa rin daw na malinis ang kaniyang konsensya.
“My conscience remains clear!” ani Romualdez.
Maki-Balita: 'My conscience remains clear!' Romualdez, nag-react sa mga paratang
