Nagbabala si Department of the Interior and Local Government (DILG) Sec. Jonvic Remulla nitong umaga ng Lunes, Nobyembre 17, sa ilang raliyista na paiimbestigahan ang kanilang panawagang “Marcos Resign” at pagkalas ng Armed Forces of the Philippines (AFP) sa pamahalaan.
“That’s close to inciting to sedition, so i-investigate namin sila. [Ang] mga ganitong salita has no place in a civil society,” saad ni Remulla sa panayam niya sa media.
Binanggit din niya sa isasagawang imbestigasyon, na paiiiralin ang katotohanan, pananagutan, at hustisya, habang idadaan ang proseso nito sa “due process.”
“We will go through truth, accountability, and justice, and go through due process, kung sino mang mahahatulan dito,” pagtitiyak ng Kalihim.
Pulis Maynila, dinali asawa ng kumpare; nilasing, ginahasa raw sa hotel!
Dito rin ay idiniin ni Remulla na ang kalayaan sa pagpapahayag ay may kaakibat na responsibilidad.
“Freedom of expression comes with a sense of responsibility, so calling an active citizen is not pertaining, it's dangerous to the state. So ‘yong mga ganiyan, every citizen is accorded the right to free speech, but they must have the corresponding responsibility to behave in all civility,” saad niya.
Gayunpaman, tiniyak ni Remulla na hindi makaaapekto ang isasagawang imbestigasyon sa mga raliyista na nabigyan ng permit sa ikalawang araw ng kilos-protesta.
“It will be the same, pareho pa rin. Preparations are the same, security measures are the same, we will hear a lot of voices, nagsisigawan. Pero para sa amin, parang normal na sa atin ‘yon diba?” saad niya.
Sa kaugnay na ulat, pinangunahan ng religious group na “Iglesia ni Cristo” (INC) ang three-day "Rally for Transparency and a Better Democracy" sa Quirino Grandstand, Rizal Park, Maynila, simula Nobyembre 16 hanggang 18.
KAUGNAY NA BALITA: #BalitaExclusives: INC members umaasang maaayos ang gulo, mapapanagot may-sala
KAUGNAY NA BALITA: INC members, pinabulaanang binayaran sila ng ₱3,000 para dumalo sa protesta
Kasabay nila ang "Rally for Accountablity, Justice, and Integrity" ng United People’s Initiative (UPI) na ginanap naman EDSA People Power Monument sa Quezon City.
KAUGNAY NA BALITA: #BalitaExclusives:‘Malalaking isda, ‘di makukulong! Dating PACC commissioner,’ Atty. Manuelito Luna, duda sa mga maiseselda sa flood control scandal
Sean Antonio/BALITA
