Sinabi ng dating senador na si Gringo Honasan na nagmamakaawa raw si Chief Presidential Legal Counsel at dating Senate President Juan Ponce Enrile na iuwi na siya sa kanilang tahanan dahil ayaw niyang sumakabilang-buhay habang nasa ospital.

Sa panayam ng isang news program ng Bilyonaryo News Channel kay Honasan, sinabi niyang hindi raw gusto ni Enrile na nasa ospital siya, na ginagamot sa kaniyang penumonia.

"He was practically begging to go back home," anang Honasan.

"Sabi niya, 'I don't want to pass away in a hospital," dagdag pa.

National

Triple jackpot! 3 lotto bettors panalo sa Super Lotto 6/49, Lotto 6/42

Ibinahagi rin ni Honasan na kamakailan lamang, nagkaroon pa sila ng reunion nina Enrile at iba pang mga dating kasamahan. Aniya, wala raw silang ginawa kundi nagkuwentuhan, nagtawanan, at nagbiruan nang mga sandaling iyon.

Matatandaang nitong Martes, Nobyembre 11, nang manawagan ng dasal si Sen. Jinggoy Estrada para sa kalagayan ng kalusugan ni Enrile, matapos niyang ipamalita na na-confine sa ospital ang dating Senate President dahil sa pneumonia.

Maki-Balita: ‘Slim chances of surviving,’ Enrile, nasa ICU—Sen. Jinggoy Estrada

Pinasinungalingan naman ng mamamahayag na si Mon Tulfo ang mga kumakalat na post at balitang pumanaw na si Enrile, matapos magbigay ng update sa kaniya ang anak nitong si uan “Jack” Ponce Enrile Jr., as of 9:08 ng gabi kahapon ng Martes, Nobyembre 11.

Sa kabilang banda, sinabi raw ni Jack na puwede nang mawala ang ama "anytime soon."

"The report that Juan Ponce Enrile has died is fake news," anang Tulfo.

"As of 9:08 p.m. today (Nov. 11, 2025), Enrile is still alive, according to his son, Juan “Jack” Ponce Enrile Jr. Jack said, however, his father may go anytime soon."

Nagbigay rin si Tulfo ng ilang detalye tungkol sa umano'y tunay na edad ng dating SP.

"According to official records, Old Man Ponce Enrile is 101 years of age."

"But Jack said records retrieved at the Aglipayan church in Cagayan show that Juan Ponce Enrile was born on June 22, 1922.

That makes him 103 years old!" aniya pa.

Maki-Balita: Mon Tulfo ibinahagi update ng anak ni Enrile: 'Still alive, however, may go anytime soon!'

Nitong Miyerkules, Nobyembre 12, nagbigay naman ng update sa kalagayan ng ama si Katrina Enrile.

“He is under the dedicated care of his attending physicians and medical staff, who are providing him with the best possible treatment and attention,” saad ni Katrina.

Kaugnay na Balita: Juan Ponce Enrile, nasa ICU pa rin

Dagdag pa niya, “We are deeply grateful for the concern, prayers, and support extended to our family during this time. Thank you very much.”