Tinuldukan ng kasalukuyang rank no. 17 ng World Nineball Tour (WNT) na si Jayson “Eagle Eye” Shaw ang pangangalampag ni Albert James “Starboy” Manas sa Philippine Open Pool.
Matapos ito ng naging laban nina Shaw at Manas noong Biyernes, Oktubre 24, nauwi sa score na 11-3, race to 11, ang naging paghaharap nila sa quarter finals ng nasabing tournament.
Ayon sa naging panayam ng Matchroom Poom kay Shaw noong Biyernes, sinabi niyang hindi rin naging maganda ang pabor ng bola sa kaniya sa simula ng laban nila ni Manas.
“I started off great. Didn’t really get a chance. Three-zero. He played two breaking runs, I had a push out, he made another good out, and then manage to get that game on board,” pagsisimula ni Shaw.
Alex Eala, Francis Alcantara, laglag sa semis ng mixed double tournament ng 2025 SEA Games
“And then from there, I was just trying to use my experience in tricky situations. Pushing out to an area where I thought I would get it back,” paliwanag pa niya.
Ani Shaw, nagkaroon lang siya ng magandang ideya na maaari niyang gamitin laban Manas
“That table definitely playing differently than the other one. Still sliding a lot and I think that helped me that I’ve come up with some nice little tactical shots[...],” saad niya.
Pagpapatuloy pa ni Shaw, matagal na rin daw nilang sinusubaybayan si Manas sa mga nakaraang international tournament na kaniyang nasaliha.
Dagdag pa niya, alam nilang may talento at magiging matibay na tirador si Manas kapag nakaranas pa siya ng mas marami pang panalo sa mga propesyonal na bilyarista.
“Over the last couple of years, we’ve known what he can do. We’ve seen him around, seen him annoyed a couple of times, playing really good, beating a lot of top quality players[...] beat John Mora, beat another couple of good players. So, we know he has a talent,” ‘ika ni Shaw.
“He’s just getting started [and] when he gets started and a little bit more wins under his belt, he’s gonna be hard to beat,” pagtatapos pa niya.
Samantala, maglalaban-laban sa semi-final ng Philippine Open Pool Championship ang final four (4) na sina Shaw, David Alcaide, Robbie Capito, at Arseni Sevastyanov ngayong Sabado, Oktubre 25, 2025, sa Gateway Mall, Quezon City.
MAKI-BALITA: AJ Manas, naharang si Carlo Biado sa Philippines Open Pool!
MAKI-BALITA: ‘Malayo mararating ng bata!’ Carlo Biado, tiwalang magiging world champion si AJ Manas sa hinaharap!
Mc Vincent Mirabuna/Balita
