Inihayag ni Senate President Vicente “Tito” Sotto III, ang suspensyon ng pagdinig ng Senate Blue Ribbon Committee hinggil sa maanomalyang flood control projects.
Sa pamamagitan ng text message sa media nitong Sabado, Oktubre 4, 2025, iginiit ni Sotto na kinausap umano siya ni Sen. Win Gatchalian para sa naturang suspensyon.
Kaugnay nito, kinumpirma din niya ang pagpapatuloy ng legislative proposals sa pamamagitan ng executive sessions.
“Once we agree on the proposals, we will put it on the floor,” ani Sotto.
Parachute ng skydiver, sumabit sa traffic light; muntik na mabigti!
Saad pa niya, nakadepende raw kay Senate Blue Ribbon Committee Chairman Sen. Panfilo “Ping” Lacson kung kailan muling magbabalik ang nasabing pagdinig.
Aniya, “Let’s wait for Sen. Ping’s decision.”
Samantala, kasalukuyan umanong pinag-uusapan ng Senado ang imbitasyon ng Blue Ribbon para kina dating House Speaker Martin Romualdez at dating Ako Bicol Partylist Rep. Elizaldy Co, na kapuwa mga nadidiin sa malawakang kickback sa flood control projects.
