Tila may pinariringgan ang atake ni Senate Blue Ribbon Committee Chairman at Senate President Pro Tempore Panfilo “Ping” Lacson, Sr., sa mga isinaad niyang “crazy cat” at “annoying dog” sa kaniyang social media account.
Ayon sa ibinahaging post ni Lacson sa kaniyang “X” nitong Huwebes, Oktubre 2, 2025, naghahanap ang senador ng veterinary clinic na may psychiatric ward para umano sa mga hayop.
“Help! Is there a veterinary clinic with an animal psychiatric ward?” panimula ni Lacson sa kaniyang post.
Pagpapatuloy pa niya, “We have a crazy cat that keeps meowing on the ground floor and an annoying dog that keeps barking on the upper floor.”
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
Photo courtesy: Ping Lacson (X)
Bagama’t walang kumpirmasyon na may pinariringgan at walang binanggit o tinukoy na mga pangalan, pinalutang ng mga netizen ang mga pangalan nina Cavite 4th district Rep. Kiko Barzaga at Sen. Rodante Marcoleta.
Narito ang ilang komento na iniwan ng mga tao sa naturang post ni Lacson:
“Crazy cat = Kiko Barzaga and annoying dog = Marcoleta naku po Sen magtatampo na naman yung dog mag speech na naman po yan.”
“Sen, give them lesson po lalo ung andun dun sa upper house..iface to face mo po para matuto!”
“Sir, maybe it’s not a vet that’s needed. It’s the exterminator. The animals you mentioned have been foaming at the mouth for weeks.”
“Your honor, you have disrespected the canine and feline species. They look a lot better, and think a lot wiser then those you refer to.”
“There’s no known cure yet, but for sure, they’ll find a way to introduce themselves — instinctively, like younger & older versions of their own selves. Who knows, they’ll even form a band called "Noise & Nonsense" & take their show on the road. Just watch — no need to respond.”
“Barzaga and Marcoleta. Hahahaha”
Samantala, wala namang kinumpirma si Lacson kaugnay sa mga ibinabato ng netizens patungkol kina Barzaga at Marcoleta.
Bumuwelta rin naman si Barzaga kaugnay sa naunang post ni Lacson.
Ayon sa ibinahaging post ni Barzaga sa kaniyang Facebook nito ring Huwebes, inilihis niya ang naging pag-atake ni Lacson patungo kay Senate President Vicente “Tito” Sotto III at tinawag ng batang congressman si Sotto na “tuta.”
“Kala ko best friend mo si Tuta Sotto, bakit mo siya inaaway ngayon? May bagong Senate President na ba?” sagot ni Barzaga.
Photo courtesy: Kiko Barzaga (FB)
Wala pa ring inilalabas si Marcoleta sa kaniyang mga social media accounts kaugnay sa haka-haka ng netizens na siya ang pinatatamaan ni Lacson sa kaniyang post.
Mc Vincent Mirabuna/Balita
