Dinepensahan ni Navotas City lone district Rep. Toby Tiangco ang sarili mula sa akusasyon ni Ako Bicol Party-list Rep. Alfredo Garbin Jr. patungkol sa insertion sa 2025 budget.
Matatandaang sinabi ni Garbin, Jr. kamakailan na nagkaroon umano ng higit kalahating bilyong insertion si Tiangco sa 2025 budget at 70% nito ay inilaan sa flood control projects sa Navotas.
“Speaking of insertion, e, siya meron siyang insertion na sobra sa kalahating bilyon and out of the ₱529 million na insertion niya on 2025, 65 percent to 70 percent nito ay flood control sa Navotas,” saad ni Garbin, Jr.
Ngunit sa Senate Inquiry ng Blue Ribbon Committee nitong Lunes, Setyembre 8, pinabulaanan ni Tiangco ang pahayag ng kapuwa niya mambabatas.
Middle forces, Marcos bloc kailangang magkaisa para 'di manalo Duterte bloc sa 2028—Antonio Trillanes
“First of all, hindi po ako makakapag-insert kasi nga hindi po ako member ng bicam. Papaano ako makakapag-insert?” saad ni Tiangco.
Ayon din sa kongresista, hindi raw siya kailanman nangtatanong sa district engineer kung aling contractor companies ang napipiling gawaran ng proyekto ng gobyerno.
Dagdag pa niya, “Tapos sinasabi po nila, ang laki lagi ng flood control projects sa Navotas. Your honor, mas siguro kasalanan ko kung hindi malaki ang flood control projects sa Navotas na ipapagawa dahil binabaha po talaga kami at below sea level kami.”
Matatandaang kamakailan lang ay hinahanap ni Tiangco kay Zaldy Co ang 2025 National Budget Small Committee Report.
Si Co ay co-nominee ng Ako Bicol Party-list at dating chairman ng House Committee on Appropriations na kalaunan ay nagbitiw sa posisyon dahil sa kalagayan umano ng kaniyang kalusugan.
Maki-Balita: Rep. Zaldy Co, nagbitiw bilang chairman ng House Committee on Appropriations
