Magalong, inimbitahan sa Senado pero hindi dumalo-Balita

Magalong, inimbitahan sa Senado pero hindi dumalo

Kabilang si Baguio City Mayor Benjamin Magalong sa naimbitahan sa Senate Inquiry patungkol sa anomalya ng flood control projects ngunit nagpadala ng regret letter.

Sa pagdinig ng Senate Blue Ribbon Committee nitong Lunes, Setyembre 8, binasa ni Atty. Rodolfo Noel Quimbo, Director General ng Blue Ribbon Oversight Office Management, ang dahilan ng hindi pagdalo ni Magalong mula sa liham na ipinadala nito.

“Mayor Benjamin Magalong was invited. But he sent a regret letter. He said he will testify in the House [of the Representatives] first,” saad ni Quimbo.

“He’s anticipating that he will be called as a resource person before the House of Representatives,” pagpapatuloy niya. “He feels that his appearance in the Senate may preclude any actions that should be taken against all persons answerable.”

Dagdag pa ng Director General, “He does commit that he will make himself available for the Senate as soon his appearance is dispensed with before the House of Representatives.”

Matatandaang kumasa kamakailan si Magalong sa hamon ni Manila 6th District Rep. Benny Abante na humarap sa Kamara para patunayan ang kaniyang akusasyon sa kaugnayan ng ilang kongresista sa anomalya ng flood control projects.

"Sweeping accusations without bases accomplish nothing. If he wants to accomplish something tangible, then present concrete evidence. Then together we can hold the wrongdoers accountable," anang mambabatas.

Maki-Balita: Abante, hinamon si Magalong na dumalo sa flood control probe ng Kamara: 'Show up or shut up!'

Ngunit ayon sa alkalde, bukas umano siyang humarap sa House Inquiry para maglatag ng mga ebidensiya kapag pinadalhan na ng pormal na imbitasyon.

“Alangan namang ipepresenta ko na lang ‘yong sarili ko doon. Anong oras? Saang lugar? Hindi ko alam, e,” katwiran ni Magalong sa panayam sa “Ted Failon and DJ Chacha.”

Samantala, nagsumite na si Magalong noon pang Agosto 27 sa pangulo ng mga dokumentong naglalaman ng ulat patungkol sa anomalya ng nasabing proyekto.

Maki-Balita: PBBM, bukas makausap si Magalong tungkol sa maanomalyang flood control

Parachute ng skydiver, sumabit sa traffic light; muntik na mabigti!

Nalagay sa peligro ang buhay ng isang skydiver matapos sumabit ang kaniyang parachute sa poste ng traffic light at muntik pumulupot sa kaniyang leeg ang lubid nito.Batay sa nagkalat na video sa social media, makikita na napatakbo ang ilang saksi dahil sa pangambang tuluyang pumulupot ang tali sa leeg ng skydiver. Mabuti na lamang at naalis ng lalaki ang lubid sa kaniyang leeg habang tumulong ang...

'Admin, Duterte group, liberal groups dapat magkaisa para sugpuin korapsyon!'—Ex-PNR Chair Macapagal

Nananawagan si dating Philippine National Railway (PNR) Chairman Michael Ted Macapagal sa administrasyon, Duterte group, at lider ng mga progresibong grupong liberal na isantabi raw muna ang politika para malabanan ang korapsyon. Ayon sa naging pahayag ni Macapagal noong Biyernes, Disyembre 12, sinabi niyang dapat na manguna sa unity pledge ng mga political leader ang Catholic Bishops'...

Tanza, Cavite, ‘di raw kaya makipagsabayan sa Pamasko food packs; babawi sa public hospital

Naglabas ng opisyal na pahayag si Tanza, Cavite Mayor SM Matro hinggil sa nauusong Pamaskong food packs sa bawat karatig bayan sa naturang lalawigan.Sa video message na isinapubliko ng alkalde sa kaniyang opisyal na Facebook account noong Biyernes, Disyembre 12, 2025, dumipensa siya kung bakat hindi raw kinaya ng Tanza na makipagsabayan sa ilang karatig bayan hinggil sa pamimigay ng Pamasko food...