Nagbigay ng pahayag ang lead vocalist ng bandang "Eraserheads" na si Ely Buendia patungkol sa anomalya sa likod ng flood control projects.
Sa panayam ng ABS-CBN News kamakailan, sinabi niyang umaasa raw siyang makakamtan ng sambayanan ang hustisya.
"It's an injustice to the people, especially to the taxpayers, I'm included din, I pay my taxes. So yeah, it's a shame. So I hope that there will be justice for the people. That's all I can say,” saad ni Ely.
Bago pa man ito, nauna nang naghayag ng kani-kanilang sentimyento sa laganap na korupsiyon ang ilang celebrities tulad nina Gabbi Garcia, Bianca Gonzalez, Pokwang, Bela Padilla, at iba pa.
'Not admission of guilt!' Surigao Del Sur solon, nagbitiw sa bicam committee dahil sa delicadeza
Maki-Balita: 'Kailangan mong galingang umiyak at masaktan kasi may pinapaaral kang mga Disney Princess'—Bela Padilla
Maki-Balita: 'Sana sa efficient public transport napupunta bilyong buwis kaysa sa ghost flood control projects!'—Bianca Gonzalez
Maki-Balita: Gabbi Garcia, hinimok ang publiko na magsalita sa nangyayari sa bansa: 'Tama na pagtitiis!'
Maki-Balita: Pokwang, tinrangkaso kakatrabaho para sa nepo babies
Matatandaang batay sa isiniwalat ni dating Department of Public Works and Highways (DPWH) Sec. Manuel Bonoan, ghost projects umano ang ilan sa flood control na ipinagkaloob sa Wawao Builders, Inc sa Bulacan.
Ayon kay Bonoan, umabot umano sa ₱5.9 bilyon ang halaga ng kontratang ibinigay sa Wawao.
“In Bulacan alone, Wawao Builders had 85 projects amounting to 5.9 billion [...] There seems to be some ghost projects,” anang kalihim.
Kinumpirma naman ito ni DPWH Usec. for Planning Services Maria Catalina Cabral sa ikalawang pagdinig matapos siyang tanungin ni Senate President Pro Tempore Jinggoy Estrada tungkol dito.
“You believe, you support, the statement of the former Secretary [Bonoan] that, indeed, there are ghost projects?” tanong ni Estrada.
Sagot ni Cabral, “Yes po, Your Honor.”
Maki-Balita: Opisyal ng DPWH, umamin sa ghost projects ng ahensya
