Environmental group, kinondena ang COMP, PNIA sa pagpanig kay Joseph Sy-Balita

Environmental group, kinondena ang COMP, PNIA sa pagpanig kay Joseph Sy

Kinondena ng Alyansa Tigil Mina (ATM) ang pagsuporta ng Chamber of Mines of the Philippines (COMP) at Philippine Nickel Industry Association (PNIA) sa Chairman ng Global Ferronickel Holdings, Inc. na si Joseph Sy, matapos masiwalat ang umano’y pekeng dokumento nito na nagsasabing siya ay Pilipino.

Inihayag ng National Coordinator ng ATM na si Jaybee Garganera sa isang Facebook post nitong Huwebes, Agosto 28, ang pagkondena ng kanilang grupo sa tahasang pagsuporta ng COMP at PNIA sa bilyonaryong si Sy, na humaharap sa alegasyon at anomalya.

“We condemn COMP and PNIA for their statements of support for Sy. Instead of allowing the justice system to determine the culpability of Sy, these two mining organizations virtually dismissed serious allegations about Sy’s citizenship and disregarded the laws of the land,” ani Garganera.

“We agree with Senator Risa Hontiveros that this is potentially an Alice Guo 2.0. This has serious implications in our natural resources management as it may involve Chinese manipulation and abuse of mining here in our country,” dagdag pa nito.

MAKI-BALITA: 'Parang si Alice Guo Part 2?' Sen. Risa, naalarma sa isang PCGA member-Balita

Ayon sa mga ulat, isang sertipikasyon mula sa Bureau of Immigration (BI) ang nagsasabing ang “fingerprints” ni Joseph Sy ay tumutugma sa isang Chen, Zhong Zhen, na napag-alamang walang dugong Filipino.

Inilahad naman ng ATM na ang kompanya nina Sy ay kinokontrol ang Ipilan Nickel Corporation (INC), na siyang umaani ng reklamo sa tahasan umano nitong pagsira ng kalikasan.

Dahil dito, ang lider ng “indigenous group” na “Barongbarong Ipilan Calasaguen Maasin Mambalot" (BICAMM) na si Vic Colili ay tinatawag ang atensyon ng pamahalaan na pansamantalang patigilin muna ang operasyon ng kompanya sa kanilang lugar.

“Given this situation involving the questionable citizenship of the INC’s owner, Joseph Sy, we are calling on the government, particularly the DENR-MGB, to temporarily stop the operations of the mining company in Brooke’s Point, Palawan,” ani Colili.

Matatandaang inaresto si Joseph Sy noong Agosto 21 sa Ninoy Aquino International Airport (NAIA) dahil sa paggamit nito ng mga pekeng dokumento, at kamakailan ay pinatalsik ng Philippine Coast Guard Auxiliary (PCGA) dahil sa mga isyung kinahaharap nito.

KAUGNAY NA BALITA: Joseph Sy, nag-voluntary LOA kasabay ng isyu sa kaniyang nasyonalidad-Balita

Vincent Gutierrez/BALITA

2 dambuhalang sawa, nahuli sa kisame ng magkaibang bahay, 1 sa kanila, nakalunok ng tuta!

Dalawang naghahabaang sawa ang nasagip ng mga awtoridad sa magkaibang residential area sa Leyte.Ayon sa mga ulat, nahuli ang unang sawa sa kisame ng isang bahay matapos itong mamataan ng isang residente.Tinatayang may haba ito ng mahigit 10 talampakan at napag-alaman ding nakalunok pa ito ng isang buhay na tuta.Ayon sa pagsusuri ng mga awtoridad, may sugat sa mata ang naturang sawa na kinailangang...

MMDA, dinepensahan traffic enforcer na pinagbintangang nagtatago sa kalsada

Ipinagtanggol ng Metro Manila Development Authority (MMDA) ang traffic enforcer nilang pinagkamalang nagtatago umano habang nasa lansangan.Sa Facebook post kasi ni Kuya Jerwin Moto nitong Sabado, Enero 24, ibinahagi niya ang larawan ng naturang traffic enforcer kalakip ang malisyosong caption.“FROM Unknown Follower - tagu taguan sa Nagtahan Bridge(ilalim) ganyan na po ba talaga ang sistema ng...

Bangkay ng babaeng 9 na buwan nang nakalibing, kinalkal sa libingan!

Natagpuan sa labas ng kaniyang nitso ang bangkay ng isang 36-anyos na babae na inilibing noong Abril 2025 sa Mabini, Bohol. Nadiskubre ang katawan sa Lungsodaan Public Cemetery sa labas ng nitso ng naturang bangkay.Ayon kay Police Senior Master Sergeant Emmanuel Habas, imbestigador ng Mabini Police Station, isang mag-asawang sina alyas “Carlo” at “Maria Grace” ang unang nakapansin na...