Perci Cendaña, Richard Heydarian tuluyang sinampahan ng 'indirect contempt'-Balita

Tuluyan nang sinampahan nina Atty. Mark Tolentino at Atty. Rolex Suplico ng "indirect contempt" sina Akbayan Party-List Rep. Percival Cendaña at Political analyst Richard Heydarian dahil sa kanila umanong "deliberate, malicious, and scandalous public attacks" nila laban sa Korte Suprema.

Ito ay kaugnay sa naging desisyon ng Korte Suprema patungkol sa inihaing articles of impeachment laban kay Vice President Sara Duterte.

Ayon kay Tolentino, obligado silang depensahan ang integridad ng Korte Suprema bilang mga abogado.

"Bilang abogado, as an officer of the court, we have the obligation to defend the integrity and the independence of the Highest Court of the land," aniya bago maghain ng petisyon nitong Miyerkules, Hulyo 30.

"Bakit? Dahil kung wala nang credibility ang Supreme Court , wala nang matirang hustisya sa Pilipinas. That's why as lawyers and FIlipinos, we have the obligation to defend the independence and the impartiality of the Philippine Supreme Court.," dagdag pa niya.

Noong Hulyo 25, dinesisyonan ng Korte Suprema na “unconstitutional” ang articles of impeachment laban kay Duterte.

“The SC has ruled that the House impeachment complaint versus VP Sara Duterte is barred by the one-year rule and that due process or fairness applies in all stages of the impeachment process."

MAKI-BALITA: VP Sara, ‘di pa rin lusot sa mga kaso kahit ‘unconstitutional’ ang articles of impeachment—SC

Kaugnay nito, nagpahayag ng pagkadismaya si Cendaña tungkol sa desisyong ito ng Korte.

"The Supreme Court has reduced itself to being the Supreme Coddler of Vice President Sara Duterte," saad ng Akbayan Party-List representative sa isang pahayag.

"The dismissal of the impeachment sets a dangerous precedent," giit pa niya.

Matatandaang si Cendaña ang isa sa apat na naghain noon ng articles of impeachment laban sa bise presidente.

MAKI-BALITA: Grounds ng impeachment laban kay VP Sara, inisa-isa ng civil society leaders

Bukod kay Cendaña, kasama rin sa sinampahan ng "indirect contempt" si Heydarian.

Ayon kay Tolentino, nag-post umano si Heydarian sa X (dating Twitter) at Facebook account nito na si dating Pangulong Rodrigo Duterte ang nag-appoint noon sa 13 supreme court justices.

"FACT: DUTERTE had APPOINTED as many as 13 out of 15 SUPREME COURT justices by 2022!!" anang political analyst.

Habang isinusulat ito, wala pang pahayag ang kampo ni Cendaña at Heydarian hinggil sa isinampang "indirect contempt."

Intersection sa NYC, ipinangalan kay Dr. Jose Rizal bilang pagkilala sa Filipino community

Ipinangalan kay Dr. Jose Rizal ang intersection sa New York City, USA, bilang pagkilala sa malaking populasyon ng Filipino community sa distrito. Ang nasabing co-naming sa Woodside Avenue at 58th Street sa New York ay inisyatiba ni Steven Raga, ang kauna-unahang Filipino-American na naupo sa New York State Assembly at New York City Council Member Julie Won. “It’s an honor to co-name an...

'Hoy DTI, gising kayo!' Sen. Imee, naghain ng makatotohanang Noche Buena

Naglabas ng video post si Senadora Imee Marcos na nagpapakita ng aniya’y mas makatotohanang gastos sa Noche Buena ng isang karaniwang pamilyang Pilipino, na tila sumasalungat sa pahayag ng Department of Trade and Industry (DTI) na maaaring magkasya sa ₱500 ang handa para sa bisperas ng Pasko.Kaugnay na Balita: ₱500, sapat na pang-Noche Buena! –DTISa naturang video, ipinakita ni Sen. Imee...

Lalaki, arestado matapos masamsaman ng ₱13.6M halaga ng shabu, paraphernalia

Timbog ang isang 41-anyos na lalaki sa Cagayan de Oro City matapos masabatan ng shabu na aabot sa halos ₱13.6 milyon ang halaga, kasama ang ilan pang paraphernalia.Sa ulat ng Philippine National Police noong Sabado, Disyembre 13, matagumpay na narekober ang mga ilegal na droga sa suspek matapos ikasa ng Cagayan de Oro Drug Enforcement Unit (CDEU) ang isang joint buy-bust operation, kasama ang...

Perci Cendaña, Richard Heydarian tuluyang sinampahan ng 'indirect contempt'

Perci Cendaña, Richard Heydarian tuluyang sinampahan ng 'indirect contempt'

Inirerekomendang balita

Intersection sa NYC, ipinangalan kay Dr. Jose Rizal bilang pagkilala sa Filipino community

'Hoy DTI, gising kayo!' Sen. Imee, naghain ng makatotohanang Noche Buena

Lalaki, arestado matapos masamsaman ng ₱13.6M halaga ng shabu, paraphernalia

Features

Opinyon