Binanatan ni Presidential Adviser for Poverty Alleviation Secretary Larry Gadon ang Korte Suprema matapos nitong ideklarang “unconstitutional” ang Articles of Impeachment laban kay Vice President Sara Duterte.
Sa panayam ng media kay Gadon nitong Lunes, Hulyo 28, tinawag niyang tuta ng mga Duterte ang Korte Suprema.
“Tuta, tuta ang Supreme Court! Tuta ng mga Duterte!” saad ni Gadon.
Nauna na ring nilinaw ng Korte Suprema na hindi pa rin umano abswelto si VP Sara kahit idineklarang unconstitutional ang Articles of Impeachment laban dito.
'Ninakaw nila ang Pasko!' Sen. Imee, ibinalandra pulang bag na buwaya
“However, the Court said that it is not absolving Vice President Duterte from any of the charges against her,” anang SC.
MAKI-BALITA: VP Sara, ‘di pa rin lusot sa mga kaso kahit ‘unconstitutional’ ang articles of impeachment—SC
Bukod dito, sinabi na rin ng Kamara na maghahain sila ng motion for reconsideration kaugnay sa desisyon ng Korte sa kaso ng bise presidente.
MAKI-BALITA: Kamara, aapela ng motion for reconsideration para sa impeachment vs VP Sara
Matatandaang Pebrero 5 nang tuluyang na-impeach sa Kamara si Duterte matapos ang pagpirma ng tinatayang 215 mga mambabatas sa ikaapat na impeachment complaint laban sa kaniya.
KAUGNAY NA BALITA: House of Representatives, inimpeach na si Vice President Sara Duterte
