Naghayag ng interes na makauwi sa Pilipinas si dating presidential spokesperson Atty. Harry Roque na kasalukuyang nasa Netherlands.
Sa panayam ng “The Long Take” kamakailan, sinabi ni Roque na babalik lang umano siya sa Pilipinas kapag nakababa na si Pangulong Ferdinand “Bongbong” Marcos, Jr. sa puwesto nito.
“As soon as Marcos is gone, I’m back on day one. And sana this time around, we make them pay for all their offenses,” saad ni Roque.
Dagdag pa niya, “Ang hirap kasi, the first time around, when we drove them away si Marcos, Sr., we just forgave them, e. We recovered some ill-gotten wealth, but not all of it.”
'Ninakaw nila ang Pasko!' Sen. Imee, ibinalandra pulang bag na buwaya
Ayon kay Roque, hindi raw niya mapapatawad ang kasalukuyang administrasyon dahil sa ginawa umano nito sa kaniya na naging dahilan para malayo siya sa kaniyang pamilya.
“I will never forgive this administration for what they did to me and my family,” anang dating presidential spokesperson.
Kasalukuyang umaapela ng asylum si Roque habang nakabinbin ang kaso niya dahil sa umano’y human trafficking na konektado sa Philippine Offshore Gaming Operators o POGO.
MAKI-BALITA: Harry Roque, maghahain ng asylum sa The Netherlands
MAKI-BALITA: Harry Roque, pinaaaresto ng Angeles court dahil sa umano’y human trafficking kaugnay ng POGO
Pero bago pa man ito, nauna na siyang binabaan ng arrest order matapos ang hindi pagdalo sa House inquiry para sa POGO Lucky South 99, na siya ang lumalabas na umano'y legal counsel.
MAKI-BALITA: Roque, ipina-cite in contempt dahil hindi isinumite ang SALN at iba pang dokumento sa House QuadCom
