Naghain ng kasong cyberlibel si Philippine Coast Guard (PCG) Spokesperson Commodore Jay Tarriela laban kay social media personality Sass Rogando Sasot.
Sa X post ni Tarriela nitong Biyernes, Hulyo 4, sinabi niyang kinakailangan umano ng legal na aksyon bilang tugon sa serye ng malisyoso at walang basehang pag-atake ni Sasot hindi lang sa personal na buhay niya kundi maging sa tungkulin niya bilang tagapagsalita PCG para sa West Philippine Sea.
“While I fully respect the role of free speech in a democratic society, that freedom does not extend to the willful spread of disinformation, personal defamation, or efforts to erode public confidence through falsehoods,” saad ni Tarriela.
“This step is not solely about defending my name—it is about standing up for every public servant who silently endures online abuse and misrepresentation,” pagpapatuloy niya.
DPWH sa Senado: 'Restore the deducted amounts from the projects in the 2026'
Dagdag pa niya, “I hope this case sends a clear message: that truth matters, and that those who serve the public deserve both respect and protection from malicious attacks.”
Matatandaang inaakusahan ni Sasot si Tarriela na nakatanggap umano ng $4 milyong “talent fee” mula sa Amerika at mga bag ng pera mula kay House Speaker Martin Romualdez.
Tinatawag din siya ni Sasot na “Philippine Military Academy cheater” na pinabulaanang lahat naman ni Tarriela.
Samantala, ayon sa ulat ng GMA News Online, sinabi ni Sasot na may karapatan umano si Tarriela na magsampa ng kaso laban sa kaniya. Hihintayin daw niya ang kopya ng reklamo nito upang masagot niya nang legal.
