Ayon kay US President Donald Trump nagkasundo ng "complete and total ceasefire" ang Iran at Israel matapos maglunsad ng missile attack sa U.S. Military Base sa Qatar.
“It has been fully agreed by and between Israel and Iran that there will be a Complete and Total CEASEFIRE,” saad ni Trump sa isang social media post.
Ang naturang pag-atake ng Iran sa military base ng US ay dahil sa ginawang pag-atake ng US sa tatlong nuclear sites ng Iran.
Sa isang social media post nitong Linggo, Hunyo 22, kinumpirma ni Trump ang nasabing pag-atake sa tatlong nuclear sites kabilang na ang Fordow, Natanz, at Isfahan.
Japan, niyanig ng magnitude 6.7 na lindol; tsunami advisory, inisyu
BASAHIN: US, inatake 3 nuclear sites ng Iran —Trump
Sinabi rin ni Trump na ang ceasefire ay ang magiging "official end" ng "12-day war'' ng dalawang bansa.
Magaganap umano ang ceasefire ng Iran at Israel mamayang 12:00 p.m., Martes, Hunyo 24 ( oras sa Pilipinas).
KAUGNAY nito, sinabi ni Iran Foreign Minister Abbas Araghchi na walang kasunduan na naganap patungkol sa ceasefire.
"As of now, there is NO ‘agreement’ on any ceasefire or cessation of military operations," aniya sa isang social media post.
"However, provided that the Israeli regime stops its illegal aggression against the Iranian people no later than 4 am Tehran time, we have no intention to continue our response afterwards," dagdag pa niya.
