'Robin out, Baste in!' Sen. Padilla, nag-leave muna bilang pangulo ng PDP-Laban

By Kate Garcia

June 16, 2025

In BALITA

Kinumpirma ng Partido Demokratiko Pilipino (PDP) Laban ang pagbabagong magaganap sa liderato ng kanilang partido.

Sa pahayag na inilabas ng PDP Laban sa kanilang opisyal na Facebook account nitong Lunes, Hunyo 16, 2025, inihayag nilang nakatakdang saluhin ni Vice Mayor-elect Sebastian "Baste" Duterte ang posisyong pansamantalang babakantihin ni Sen. Robin Padilla bilang pangulo ng kanilang partido.

"Senator Robin Padilla has taken a leave as president of the PDP Laban to focus on his duties as legislator in the 20th Congress, the party announced today," saad ng PDP.

Dagdag pa nila, "With this development, Sebastian “Baste” Duterte, who is the PDP Laban executive vice president, will assume the party’s presidency based on the rule of succession in the party constitution. The younger Duterte won the race for vice mayor for Davao City in the May 2025 elections."

Ayon liham na ipinadala ni Padilla kay Party vice chairman Alfonso Cusi, mas pagtutuunan na raw niya ng pansin ang Senado sa pagpasok ng 20th Congress.

"Layunin ko pong ituon ang aking atensyon sa aking tungkulin bilang senador, lalo na sa paghahanda sa pagbubukas ng 20th Congress," ani Padilla.

Samantala, nananatili pa ring chairman ng nasabing partido si dating Pangulong Rodrigo Duterte na kasalukuyang nakadetine sa detention center ng International Criminal Court (ICC) sa The Hague, Netherlands.

Romualdez, kinondena tensyon sa Middle East; seguridad ng mga Pinoy, pinatututukan

Nanawagan si House Speaker Martin Romualdez sa international community maging sa ahensya ng pamahalaan tungkol sa lumalalang sigalot sa Middle East.Sa kaniyang pahayag nitong Lunes, Hunyo 6, 2025, nangalampag si Romualdez sa Department of Foreign Affairs (DFA) at Department of Migrant Workers (DMW) na patuloy na makipag-ugnayan sa pamahalaan ng Lebanon, Israel at Jordan para sa mga Pilipinong...

Conti, bumwelta sa pahayag na 'powerless' na si FPRRD: 'Lokohin mo lelang mo!'

Nagbigay ng tugon si human rights lawyer Atty. Kristina Conti sa pahayag na powerless na umano si dating Pangulong Rodrigo Duterte para sa pansamantala nitong paglaya sa International Criminal Court (ICC).MAKI-BALITA: FPRRD, humiling na ng interim release; may bet ng puntahan na bansaSa programa nina Ted Failon at DJ Chacha nitong Lunes, Hunyo 16, inihayag ni Conti ang hindi niya pagsang-ayon sa...

Pangalan ni Remulla, nadawit sa pekeng dokumento

Naglabas ng pahayag ang Department of the Interior and Local Government (DILG) kaugnay sa pagkakadawit ng pangalan at pirma ni DILG Secretary Jonvic Remulla sa isang pekeng dokumento. Sa isang Facebook post ng DILG nitong Lunes, Hunyo 16, sinasabi umano sa dokumento na awtorisado ng ahensya ang isang procurement contract na nagkakahalaga ng ₱600 million para sa isang construction...