Akbayan galit na; magkakasa ng 3 araw na protesta sa harap ng Senado!-Balita

Akbayan galit na; magkakasa ng 3 araw na protesta sa harap ng Senado!

Inihayag ng Akbayan Party-list ang kanilang nakatakdang tatlong araw na kilos-protesta sa harapan ng tanggapan ng Senado kaugnay ng pagkaantala sa impeachment laban kay Vice President Sara Duterte.

Sa isang Facebook post noong Biyernes, Hunyo 6, 2025, tinatayang aabot sa tatlo hanggang limang libo ang sasama sa kanila upang kalampagin ang Senado.

Magsisimula ang kanilang kilos-protesta sa Hunyo 9 na tatawagin nilang "People's March" mula sa Film Center patungong Senado, habang isang People's Vigil naman ang isasagawa nila sa Hunyo 10 mula 5:00 ng hapon hanggang 9:00 ng gabi. Mananatili ang kanilang protesta kasabay ng inaasahang pagbasa sa articles of impeachment ni VP Sara sa Hunyo 11 sa ganap na 1:00 ng hapon na tatawagin naman nilang "Day of Action for Truth and Accountability."

Ayon kay Akbayan Party-list President Rafaela David, nasa kamay na raw ng taumbayan na kalampagin at paalalahanan ang Senado na gampanan ang kanilang trabaho sa konstitusyon.

"Akbayan Partylist today announced it will launch a series of mass actions together with civil society coalition Tindig Pilipinas next week as the Senate leadership faced growing public pressure to comply with its constitutional duty to convene the Senate as an impeachment court to try VP Sara Duterte," saad ni David.

Matatandaang halos nasa apat na buwan nang nakatengga sa Senado ang impeachment case ni VP Sara magmula nang iakyat ito sa kanila ng House of Representatives.

Kaugnay nito, kinondena rin ng Akbayan ang kumakalat umanong resolusyon at balitang ibabasura na lamang daw ang impeachment ng Pangalawang Pangulo sa Senado.

"It is absurd to have a dismissal of a case when there hasn’t been a formal hearing. Wala pa ngang trial gusto na nila acquittal agad," saad ni David.

Dagdag pa niya, "Walang basehan na may time limit ang pagsagawa ng impeachment. This impeachment–initiated in the 19th Congress–can continue into the 20th Congress. Walang deadline ang pagpapanagot ng mga tiwali."

Inaasahang makikiisa sa nasabing mass action ang iba pang organisasyon katulad ng Tindig Pilipinas, student at youth groups, civil society group at iba pang religious organization.

Orange warning, itinaas sa Metro Manila, mga kalapit na lugar

Itinaas na ng PAGASA sa orange rainfall warning ang Metro Manila at karatig na lugar dahil sa habagat at low pressure area (LPA) na kasalukuyang nakakaapekto sa bansa.Sa inilabas na 11:00 p.m. heavy rainfall warning no. 1 nitong Sabado, Hunyo 7, nakataas sa orange warning ang Metro Manila, Rizal, Bulacan, Batangas, at Cavite.Ibig sabihin, makararanas ang mga nabanggit na lugar ng matinding...

John Arcilla, umapela sa Millenials at Gen Z; pinapapalitan mga matatagal nang gov’t officials

Inamin ni award-winning actor John Arcilla ang pagkamamali ng henerasyon niya sa pagpili ng mga halal na opisyal.Sa latest Facebook post ni John nitong Sabado, Hunyo 7, nanawagan siya sa mga Gen Z at Millenials na palitan na lahat ng nasa pwesto na deka-dekada nang nakaupo sa gobyerno.“PANAHON nyo na MGA GEN-Z at MILLENIALS. Sa BAWAT darating na BOTOHAN, I’m sure malinaw na sa inyo ang...

Walang bollard? Van, aksidenteng sumampa sa loading area ng NAIA Terminal 2

Dumiretso hanggang sumadsad sa loading area ang isang van sa Terminal 2 ng Ninoy Aquino International Airport (NAIA) noong Biyernes, Hunyo 7.Ayon sa ulat, bandang 9:45 p.m. nang mangyari ang naturang insidente. Wala namang naitalang napinsala o nasaktan.Kasalukuyan nang iniimbestigahan ng mga awtoridad ang 56-anyos na driver ng van na ayon sa lisensya nito ay mula pa sa Zamboanga.Batay sa...