DSWD, nanawagang 'wag i-bash si 'Imburnal Girl' dahil sa ₱80k-Balita

DSWD, nanawagang 'wag i-bash si 'Imburnal Girl' dahil sa ₱80k

Umapela sa publiko si Department of Social Welfare and Development (DSWD) Secretary Rex Gatchalian sa publiko na huwag kuyugin, batikusin, at gawan ng memes si "Rose," ang babaeng tinulungan nila at binigyan ng ₱80,000 para makapamili ng grocery items na gagamitin niya sa binabalak na pagtatayo ng sariling tindahan.

Sa opisyal na press release ng kagawaran, sinabi ni Gatchalian na ang nabanggit na halaga ay batay sa assessment ng social workers kay Rose, at hindi pabuya.

"Una, hindi siya pabuya. Gusto kong linawin na ito ay parte ng programa ng pag-reintegrate sa komunidad. Kung ibalik mo lang ang mga tao sa kanilang komunidad, uulit at uulit lang ito. Kailangan matulungan natin silang magkaroon ng bagong pag-asa at makapagsimula ng bagong buhay sa pamamagitan ng economic grant,” ani Gatchalian sa naging panayam sa kaniya ni Arnold Clavio sa "Unang Hirit."

"Yung halaga na 'yan, ang nagtakda niyan, hindi ako, hindi kahit sino sa departamento, kundi 'yong handling social worker ni Rose. Sa kaniyang recommendation, sa kaniyang intake, ay nakita niya na ito ang tamang intervention para makapagsimula muli si Rose,” aniya pa.

"Gusto ko rin i-point out na may guidelines ang DSWD sa bawat programa. Lahat ng programa natin nakatakda kung ano ang minimum amount, ano ang maximum amount. Pero lahat yan, katulad sa iba't iba pa naming programa, dadaan muna sa masusing pag-aaral ng mga social worker natin,” dagdag pa.

Iginiit din ni Gatchalian na itigil na raw sana ang pambabatikos kay Rose at ihinto na ang paggawa ng memes tungkol sa kaniya.

Si Rose, ang babaeng naging usap-usapan matapos biglang lumabas sa isang drainage o imburnal sa Makati kamakailan.

MAKI-BALITA: Sadako sa kanal? Babae sa Makati, nambulabog matapos lumabas mula sa drainage

MAKI-BALITA: Babaeng lumabas sa isang imburnal sa Makati, bibigyan ng ₱80K

MAKI-BALITA: Babaeng lumabas sa imburnal, nakapag-grocery galore para sa sari-sari store

MAKI-BALITA: Ilang netizens, naghahanap na rin ng imburnal para magka-instant ₱80k

Bilang ng enrollees sa paparating na pasukan, lolobo ng 27 milyon!—DepEd

Kinumpirma ng Department of Education (DepEd) na papalo sa 27 milyon ang enrollees mula preschool hanggang senior high school para sa School Year 2025 hanggang 2026.Sa panayam ng Super Radyo dzBB kay DepEd Assistant Secretary Jocelyn Andaya noong Sabado, Hunyo 7, 2025, tinatayang nasa daang libong mga bagong classrooms na raw ang kanilang naipatayo upang matugunan ang bilang ng mga...

50% ng mga Pilipino, aminadong naghihirap pa rin—SWS

Inihayag sa pinakabagong datos ng Social Weather Station (SWS) na nasa 50% ng mga Pilipino sa buong bansa ang nagsasabing mahirap pa rin sila.Ginawa ang naturang survey mula Abril 23 hanggang 28, 2025, kung saan mas mababa ito ng 5% kumpara sa nauna nilang datos noong Abril 11 hanggang 15 na nasa 55%. Ayon sa SWS, nagmula ang nasabing pagbaba ng 5% mula sa Metro Manila at Mindanao.Samantala,...

Orange warning, itinaas sa Metro Manila, mga kalapit na lugar

Itinaas na ng PAGASA sa orange rainfall warning ang Metro Manila at karatig na lugar dahil sa habagat at low pressure area (LPA) na kasalukuyang nakakaapekto sa bansa.Sa inilabas na 11:00 p.m. heavy rainfall warning no. 1 nitong Sabado, Hunyo 7, nakataas sa orange warning ang Metro Manila, Rizal, Bulacan, Batangas, at Cavite.Ibig sabihin, makararanas ang mga nabanggit na lugar ng matinding...