Rowena Guanzon bilang OVP spox? VP Sara, may nilinaw!

By Kate Garcia

May 31, 2025

In BALITA

May nilinaw si Vice President Sara Duterte tungkol sa umano’y bali-balitang itatalaga raw ng Office of the Vice President (OVP) na tagapagsalita si dating Commission on Elections (Comelec) Commissioner Atty. Rowena Guanzon.

Sa panayam ng kanilang mga tagasuporta kay VP Sara sa The Hague, Netherlands noong Biyernes, Mayo 30, 2025, nilinaw ng Bise Presidente na wala pa raw napag-uusapan ang OVP hinggil sa pagkakaroon ng tagapagsalita.

“Hindi namin napag-isapan eh, sa Office of the Vice President ang spokesperson,” aniya.

Dagdag pa niya, “Pero saludo kami sa talino at tapang ni Atty. Rowena Guanzon. So kung gusto n'ya magsalita, go lang nang go, makikinig tayong lahat sa kaniya.”

Nagsilbing Comelec Commissioner si Guanzon mula 2015 hanggang 2022. Tumakbo siya bilang Representative ng Komunidad ng Pamilya, Pasyente at Persons with Disability (P3PWD) Party-list ngunit bigo itong makapasok noong nakaraang Halalan.

Samantala, wala pang inilalabas na tugon ang kampo ni Guanzon hinggil sa naturang pahayag ng Pangalawang Pangulo.

CEAP, iginiit pagpapanatili ng Ethics sa college curriculum

Nanindigan ang Catholic Educational Association of the Philippines (CEAP) sa pagpapanatili ng Ethics sa college curriculum.Sa pahayag ng CEAP nitong Biyernes, Hunyo 6, sinabi nilang hindi opsyonal kundi esensyal na bahagi ng kurikulum sa kolehiyo ang Ethics.“The Catholic Educational Association of the Philippines is resolute in its stand that Ethics should remain an essential part of the college...

Pagbuwag sa SHS, nasa kamay ng Kongreso —Angara

Naghayag ng reaksiyon si Department of Education (DepEd) Secretary Sonny Angara kaugnay sa napipintong pagkalusaw ng senior high school bilang bahagi ng basic education.Ito ay matapos maghain ni Senador Jinggoy Estrada ng Senate Bill No. 3001 na nagpapanukala ng pag-amyenda sa RA 10533.MAKI-BALITA: Sen. Jinggoy Estrada, ipu-push na mabaklas ang SHS sa K-12Sa pahayag ni Angara nitong Biyernes,...

Reso ni Bato para ibasura paglilitis kay VP Sara, ‘walang sense’ —Lacson

Nagbigay ng pahayag si Senator-elect Panfilo “Ping” Lacson kaugnay sa resolusyon ni Senador Ronald “Bato” Dela Rosa na magbabasura sa impeachment trial laban kay Vice President Sara Duterte.Sa isang pahayag nitong Biyernes, Hunyo 6, sinabi ni Lacson na hindi umano siya sang-ayon sa draft ng nasabing resolution ni Dela Rosa.'There is no sense in the draft resolution calling for the de...