Ilang netizens, naghahanap na rin ng imburnal para magka-instant ₱80k-Balita

Ilang netizens, naghahanap na rin ng imburnal para magka-instant ₱80k

Pinagkatuwaan at ginawan na ng iba't ibang memes ang balitang pinagkalooban ng tulong-pinansyal ang babaeng nag-viral na lumabas sa isang kanal sa Makati, at makapanayam ng Department of Social Welfare and Development (DSWD).

Ayon sa kagawaran noong Biyernes, Mayo 30, magbibigay sila ng ₱80,000 sa naturang babae na kinilalang si “Rose.”

“Ang magiging intervention natin kay Rose, pangarap daw niya kasing magkaroon ng tindahan at sa assessment ng ating social worker ay kaya naman niya,” saad ni DSWD Secretary Rex Gatchalian.

Matatandaang noong Martes, Mayo 27, Ikinagulat ng mga motorista at residente sa bandang Rufino at Adelantado Street sa Legazpi Village, Makati City ang biglang paglabas ng isang babae mula sa isang kanal sa kalsada.

MAKI-BALITA: Sadako sa kanal? Babae sa Makati, nambulabog matapos lumabas mula sa drainage

Maya-maya raw ay bigla na itong lumabas mula rito at nagtatatakbo. Hinabol naman daw ito ng ilang security personnel sa lugar.

Nang kapanayamin naman siya ng DSWD, sinabi niyang hindi siya naninirahan dito kundi kinuha lamang ang nahulog na cutter blade na ginagamit niya sa hanapbuhay.

MAKI-BALITA: DSWD, natagpuan at nakapanayam babaeng sumulpot sa kanal sa Makati

Sa update ng DSWD ay nakapamili na si Rose ng mga paninda niya para sa nabanggit na sari-sari store na nais niyang itayo.

Sey naman ng mga netizen, parang gusto na rin nilang humanap ng imburnal at lumusot dito para mapansin din at mapagkalooban ng ayuda.

"Sa imburnal pala papasok para magka 80k. Akala ko kasi sa duty."

"Hanap na tayo ng imburnal hahahaha."

"Alam ko na sagot sa kahirapan hahahaha..."

"Saan may malaking kanal dito, alam n'yo na."

"Grabe naman 'yon, 80k agad, parang gusto ko na lang din lumusot sa imburnal..."

MAKI-BALITA: Babaeng lumabas sa isang imburnal sa Makati, bibigyan ng ₱80K

Isa nga sa mga pinagkatuwaan ito ay ang social media personality na si "Senyora."

"Gising na. Hahanap ka pang imburnal para instant 80K."

"Oh kaya kayo wag pahiga-higa lang. Tumambay kayo sa imburnal."

Samantala, wala pang pahayag ang DSWD tungkol dito.

Orange warning, itinaas sa Metro Manila, mga kalapit na lugar

Itinaas na ng PAGASA sa orange rainfall warning ang Metro Manila at karatig na lugar dahil sa habagat at low pressure area (LPA) na kasalukuyang nakakaapekto sa bansa.Sa inilabas na 11:00 p.m. heavy rainfall warning no. 1 nitong Sabado, Hunyo 7, nakataas sa orange warning ang Metro Manila, Rizal, Bulacan, Batangas, at Cavite.Ibig sabihin, makararanas ang mga nabanggit na lugar ng matinding...

John Arcilla, umapela sa Millenials at Gen Z; pinapapalitan mga matatagal nang gov’t officials

Inamin ni award-winning actor John Arcilla ang pagkamamali ng henerasyon niya sa pagpili ng mga halal na opisyal.Sa latest Facebook post ni John nitong Sabado, Hunyo 7, nanawagan siya sa mga Gen Z at Millenials na palitan na lahat ng nasa pwesto na deka-dekada nang nakaupo sa gobyerno.“PANAHON nyo na MGA GEN-Z at MILLENIALS. Sa BAWAT darating na BOTOHAN, I’m sure malinaw na sa inyo ang...

Walang bollard? Van, aksidenteng sumampa sa loading area ng NAIA Terminal 2

Dumiretso hanggang sumadsad sa loading area ang isang van sa Terminal 2 ng Ninoy Aquino International Airport (NAIA) noong Biyernes, Hunyo 7.Ayon sa ulat, bandang 9:45 p.m. nang mangyari ang naturang insidente. Wala namang naitalang napinsala o nasaktan.Kasalukuyan nang iniimbestigahan ng mga awtoridad ang 56-anyos na driver ng van na ayon sa lisensya nito ay mula pa sa Zamboanga.Batay sa...