Pinalagan ni Congresswoman-elect Leila de Lima ang mga umano’y bulung-bulungan na hindi na raw uusad pa sa Senado ang nakabinbing impeachment trial laban kay Vice President Sara Duterte.
Sa isang video message na ibinahagi ni De Lima sa kaniyang Facebook page noong Huwebes, Mayo 29, 2025, iginiit niyang tila “dead on arrival” na raw ang impeachment ni VP Sara dahil sa kakulangan ng botong maaari daw nitong makuha sa Senado.
“May mga bulong, na hindi na raw uusad ang impeachment case laban kay Vice President Sara Duterte. ‘Dead on arrival daw. Kulang daw sa boto. Tapos na bago pa magsimula.’ Maging ang Pangulo, ninanais na ipakita na wala siyang kinalaman o kagustuhan dito,” ani De Lima.
Samantala, nanindigan din siya na hindi umano dapat abandonahin ang prosesong magbibigay ng hustisya sa taumbayan.
CEAP, iginiit pagpapanatili ng Ethics sa college curriculum
“To abandon the process is to abandon the people, who still believe in the promise of justice,” aniya.
Dagdag pa niya, “Let the case be heard. Let the evidence be tested. Let truth rise—as it must, as it will. We have been here before. We refuse to repeat the sins of the past.”
Matatandaang isa si De Lima kasama ni Congressman-elect Chel Diokno sa mga bagong uupong house prosecutor panel kung sakaling umusad ang naturang impeachment na Pangalawang Pangulo.
KAUGNAY NA BALITA: Bukod kay De Lima: Diokno, uupong prosecutor sa impeachment ni VP Sara
Samantala, noong Huwebes din nang ianunsyo ng Senado na ililipat na sa Hunyo 11 mula sa orihinal na plano sa Hunyo 2 ang nakatakdang pagbasa sa articles of impeachment laban kay VP Sara.
KAUGNAY NA BALITA: Senado, iniurong sa June 11 ang pagbabasa ng articles of impeachment vs VP Sara
