DFA, kinumpirmang iisa lang ang active passport ni Roque-Balita

DFA, kinumpirmang iisa lang ang active passport ni Roque

Nilinaw ng Department of Foreign Affairs (DFA) na iisa lamang daw ang aktibong passport ni dating Presidential Spokesperson Harry Roque.

Sa pahayag na inilabas ng ahensya nitong Huwebes, Mayo 29, 2025, sinabi nitong ang nag-iisang aktibo lang daw na passport ni Roque ay inilabas noong Hulyo 2024 na may validity hanggang Hulyo 9, 2034.

"Verfication with the passport database shows that his most recent passport was issued in July 2024 and has a validity period until 09 July 2024. This is the latest passport issued to Mr. Roque, which is a 10-year validity regular passport," anang DFA.

Iginiit din ng DFA na may nauna pa raw na passport si Roque noong Oktubre 2019 ngunit tuluyan itong ikinansela matapos mailabas ang kasalukuyan niyang pasaporte. Dagdag pa ng ahensya, noong Disyembre 2022 pa rin daw napaso ang diplomatic passport ni Roque.

Paglilinaw pa niya, "The DFA wishes to emphasize that Filipino citizens can only have one active and valid regular passport at any given time, " anang DFA.

Pagdidiin pa nila, "The Department of Foreign Affairs can confirm that Mr. Harry Roque holds only one valid regular Philippine passport. All other previously issued under his name have been duly cancelled in accordance with existing rules and regulations."

Matatandaang kamakailan lang nang kinumpirma ng Department of Justice (DOJ) na naglabas na raw sila ng mosyonuopang ikansela ang passport ni Roque kung saan iginiit nilang tinatayang may hawak daw itong tatlong pasaporte.

KAUGNAY NA BALITA: ‘Motion to cancel,’ ikinasa na ng DOJ sa passport ni Roque: ‘Flight is an indication of guilt!’

Si Roque ay ikinokonsiderang nagtatago sa batas matapos maglabas ang Angeles City Regional Trial Court (RTC) Branch 118 laban kay Roque at Cassandra Ong dahil sa umano’y human trafficking kaugnay ng mga operasyon ng isang Philippine Offshore Gaming Operator (POGO) hub sa Pampanga.

KAUGNAY NA BALITA: Harry Roque, pinaaaresto ng Angeles court dahil sa umano’y human trafficking kaugnay ng POGO

QC Mayor Joy at Naga City Mayor-elect Leni, nagkita; posibleng maging 'sisters'

Nagkita at nagpulong sina re-elected Quezon City Mayor Joy Belmonte at Naga City Mayor-elect at dating Vice President Leni Robredo sa Quezon City Hall upang talakayin ang best practices ng lokal na pamahalaan patungkol sa pabahay.Ayon sa post ng Quezon City Government official Facebook page, sinalubong ni Belmonte si Robredo bilang 'panauhin' ng kanilang lungsod.'Ibinahagi rin ni...

95% pagsirit pataas ng HIV cases, bembangan ng lalaki sa lalaki

Mula mismo kay Department of Health (DOH) Secretary Ted Herbosa na ang 95% ng pagdami ng mga taong may Human Immunodeficiency Virus (HIV) ay dahil sa pagtatalik ng lalaki sa lalaki.“95% of our new cases are men having sex with men. Hindi siya sa sex worker na babae. It’s from men having sex with men,” pahayag ni Herbosa sa panayam ng media.Dagdag pa niya, “Ang estimate sa akin, ‘pag...

Heidi Mendoza, nalulungkot na binabahiran ng away politika ang confidential funds

Naghayag ng pananaw ang dating komisyuner ng Commission on Audit (COA) na si Heidi Mendoza kaugnay sa confidential funds at girian ng Marcos-Duterte. Si Mendoza ay kumandidato rin sa pagkasenador sa nakaraang 2025 midterm elections.Sa isang Facebook post ni Mendoza nitong Martes, Hunyo 3, sinabi niyang nalulungkot umano siya na ang usapin sa confidential funds ay humahantong lang sa bangayan sa...