VP Sara, bibisitahin mga Pinoy sa Qatar, Netherlands

By Kate Garcia

May 26, 2025

In BALITA

Kinumpirma ng Office of the Vice President na nakatakdang lumipad patungong Qatar at Netherlands si Vice President Sara Duterte mula Lunes, Mayo 26 hanggang Hunyo 4, 2025.

Ayon sa ulat ng Manila Bulletin nitong Lunes, mauunang bisitahin ni VP Sara ang Qatar kung saan nakalatag ang kaniyang mga aktibidad kasama ng Filipino community.

Ayon pa sa nasabing ulat, nakatakdang bumisita ang Pangalawang Pangulo sa isang health center at salon kung saan nagtatrabaho ang ilang Pinoy. Susundan naman ito ng “brunch” sa isa raw food court, afternoon snacks at dinner naman kasama ang iba't ibang grupo ng Filipino community leaders at supporters.

Samantala sa Mayo 30 hanggang Hunyo 3 naman inaasahang muling bibisitahin ng Bise Presidente ang kaniyang amang si dating Pangulong Rodrigo Duterte na nasa kustodiya ng International Criminal Court (ICC) sa The Hague, Netherlands.

KAUGNAY NA BALITA: VP Sara, magdiriwang ng birthday sa The Hague: 'Nag-promise ako sa mga magulang ko'

BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

Makikiisa rin si VP Sara sa kanilang mga tagasuporta sa labas ng ICC para sa isa umanong gathering.

Inaasahang babalik ng bansa ang Pangalawang Pangulo sa Hunyo 4.

Samantala, matatandaang sumulat na ang Senado sa House of Representatives para sa tuluyang paggulong ng nakabinbing impeachment trial ni VP Sara. Ayon sa liham ni Senate President Chiz Escudero, sa Hunyo 2 ng hapon nakatakdang tanggapin ng Senado ang Prosecution Panel ng Kamara para sa reading ng 7 charges in the Articles of Impeachment. Habang sa Hunyo 3 naman sa ganap na 9:00 ng umaga nakatakdang magbukas ang impeachment court.

BASAHIN: VP Sara, nagkomento sa nakabibing niyang impeachment: 'I want a bloodbath!'

'The spirit of QUADCOMM lives on!!!' Rep. Luistro, flinex kasamang 'mentors'

Usap-usapan ang pagbabahagi ni re-elected Batangas 2nd district Rep. Gerville 'Jinky Bitrics' Luistro sa mga kasamahan niya sa quad-committee sa House of Representatives, Lunes, Mayo 26.Pinamumunuan ni Surigao del Norte 2nd district Rep. Robert Ace Barbers bilang overall chairman, binubuo ang quad-comm ng House Committee on Dangerous Drugs, Committee on Public Order and Safety, Committee...

Sadako sa kanal? Babae sa Makati, nambulabog matapos lumabas mula sa drainage

Ikinagulat ng mga motorista at residente sa bandang Rufino at Adelantado Street sa Legazpi Village, Makati City ang biglang paglabas ng isang babae mula sa isang kanal sa kalsada.Ayon sa ulat ng '24 Oras,' ibinahagi ng uploader ng mga larawan sa social media platform na 'Reddit' na nagulat daw ang mga nakakita sa biglang pagsulpot ng ulo ng isang babae sa nabanggit na...

Mayor Joy, Mayor Benjie, at Mayor Vico nagpulong para sa 'Good Governance'

Sa pambihirang pagkakataon ay nagsama-sama at nagsagawa ng pulong sina Quezon City Mayor Joy Belmonte, Baguio City Mayor Benjamin Magalong, at Pasig City Mayor Vico Sotto para pag-usapan ang 'Good Governance' ng mga nahalal na alkalde.Sina Belmonte, Magalong, at Sotto ay pare-parehong nakabalik sa kani-kanilang termino matapos tumakbo at manalo sa naganap na 2025 National and Local...