Mag-amang Duterte, 'most trusted' pa rin ng mga Pinoy—Pulse Asia

By Kate Garcia

May 26, 2025

In BALITA National

Nanguna sina dating Pangulong Rodrigo Duterte at Vice President Sara Duterte bilang mga pinagkakatiwalaan pa ring “selected personalities” ng mga Pilipino, ayon sa pinakabagong survey na inilabas ng Pulse Asia nitong Lunes, Mayo 26, 2025.

Batay sa resulta ng naturang survey na isinagawa noong Mayo 6 hanggang 9, isinasaad nitong nakakuha ng pinakamataas na bilang si dating Pangulong Duterte na may 63%. Sinundan naman ito ni VP Sara na may 50% habang 32% naman ang nakuha ni Pangulong Ferdinand "Bongbong" Marcos, Jr.

Nakalathala rin sa datos ng Pulse Asia ang naging kabaligtaran ng survey kung saan nanguna naman ni PBBM sa mga hindi pinagkakatiwalaan, matapos siyang makakuha ng 42% sa kabuuang datos. Habang 25% ang nagsasabing hindi sila kumbinsido kay VP Sara at 17% naman kay dating Pangulong Duterte.

Hinggil naman sa usapin ng impeachment, mas lamang pa rin ang nagsasabing hindi raw sila pabor na ituloy na ma-impeach si VP Sara.

KAUGNAY NA BALITA: House of Representatives, inimpeach na si Vice President Sara Duterte

Ayon sa survey ng Pulse Asia, 50% ng mga Pinoy ang nagsasabing ayaw nilang ma-impeach ang Pangalawang Pangulo habang 28% naman ang nagsabing pabor sila rito.

Kabilang din sa survey na inilabas ng Pulse Asia ang pagkakaaresto kay dating Pangulong Duterte kung saan tinatayang 58% naman ang nagsabing hindi sila pabor dito. Nasa 26% naman ang nagpahayag ng kanilang pagpabor sa nasabing pag-aresto.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

'The spirit of QUADCOMM lives on!!!' Rep. Luistro, flinex kasamang 'mentors'

Usap-usapan ang pagbabahagi ni re-elected Batangas 2nd district Rep. Gerville 'Jinky Bitrics' Luistro sa mga kasamahan niya sa quad-committee sa House of Representatives, Lunes, Mayo 26.Pinamumunuan ni Surigao del Norte 2nd district Rep. Robert Ace Barbers bilang overall chairman, binubuo ang quad-comm ng House Committee on Dangerous Drugs, Committee on Public Order and Safety, Committee...

Sadako sa kanal? Babae sa Makati, nambulabog matapos lumabas mula sa drainage

Ikinagulat ng mga motorista at residente sa bandang Rufino at Adelantado Street sa Legazpi Village, Makati City ang biglang paglabas ng isang babae mula sa isang kanal sa kalsada.Ayon sa ulat ng '24 Oras,' ibinahagi ng uploader ng mga larawan sa social media platform na 'Reddit' na nagulat daw ang mga nakakita sa biglang pagsulpot ng ulo ng isang babae sa nabanggit na...

Mayor Joy, Mayor Benjie, at Mayor Vico nagpulong para sa 'Good Governance'

Sa pambihirang pagkakataon ay nagsama-sama at nagsagawa ng pulong sina Quezon City Mayor Joy Belmonte, Baguio City Mayor Benjamin Magalong, at Pasig City Mayor Vico Sotto para pag-usapan ang 'Good Governance' ng mga nahalal na alkalde.Sina Belmonte, Magalong, at Sotto ay pare-parehong nakabalik sa kani-kanilang termino matapos tumakbo at manalo sa naganap na 2025 National and Local...