Si Department of Migrant Workers Undersecretary Patricia Yvonne Caunan na ang bagong naitalagang administrator ng Overseas Workers Welfare Administration (OWWA) kapalit ng TV host na si Arnell Ignacio.
Nanumpa na si Caunan para sa kaniyang bagong posisyon noong Biyernes, Mayo 16.
Mababasa ang tungkol dito sa press release ng DMW na mababasa sa kanilang Facebook post noong Biyernes.
"President Ferdinand R. Marcos Jr. has appointed Department of Migrant Workers (DMW) Undersecretary Patricia Yvonne Caunan as the new Administrator of the Overseas Workers Welfare Administration (OWWA), succeeding Mr. Arnell Ignacio," mababasa sa post.
Orange warning, itinaas sa Metro Manila, mga kalapit na lugar
"Taos-puso po akong nagpapasalamat sa tiwala at kumpiyansang ibinigay sa akin ng ating Pangulo, at siyempre, sa inyong patuloy na paggabay. Napakapalad ko po—dahil ang dalawang naging boss ko sa pamahalaan ay tunay na may integridad at malasakit sa mga OFW. Ako mismo ay naging saksi sa inyong pamumuno sa POEA at OWWA—ang puso ninyo ay nasa bawat manggagawang Pilipino sa ibang bansa,” saad ni OWWA Administrator Caunan.
“Alam kong napakarami pa nating kailangang gawin. Naniniwala ako na kailangan natin ng isang OWWA, isang DMW, at isang gobyerno para sa OFW,” aniya pa.
Naniniwala naman si DMW Secretary Hans Leo Cacdac na karapat-dapat sa kaniyang posisyon si Caunan.
"She has been a trailblazer, that’s even an understatement. The frontier she has opened for bilateral and international cooperation has been amazing. She has the legal know how, the heart, the common sense, and the common touch, which is the most important,” saad ng kalihim.
Mababasa pa sa kanilang deskripsyon kay Caunan, "With her deep experience in international labor policy and her unwavering dedication to the welfare of overseas Filipino workers, Administrator Caunan brings both expertise and heart to her new role."
"As DMW Undersecretary for Policy and International Cooperation since 2022, she played a key role in forging 15 bilateral labor agreements with countries such as Canada, Austria, Saudi Arabia, Qatar, Finland, Denmark, Singapore, Croatia, Slovenia, and Kuwait — each one strengthening protection for OFWs around the world."
Samantala, sa ulat naman ng GMA News kay Cacdac, sinabi umano niyang hindi nagbitiw sa kaniyang tungkulin si Ignacio kundi tinanggal siya. Ang rason daw ay dahil sa isang land acquisition deal na hindi umano awtorisado ng OWWA.
"Former administrator Ignacio did not resign from office. He was removed and replaced on the count of loss of trust and confidence due to an anomalous ₱1.4 billion land acquisition deal that did not go through the OWWA Board of Trustees on at least six counts,” aniya.
Dapat daw ay kumonsulta muna sa kanilang board of trustees, partikular sa kaniya, si Ignacio bago pumasok sa isang deal.
Nagsilbing OWWA administrator noong 2022 si Ignacio matapos italaga mismo ni Pangulong Ferdinand "Bongbong" Marcos, Jr.
Pero mula 2018 hanggang 2019, siya ay deputy administrator na itinalaga naman ni dating Pangulong Rodrigo Duterte.
Samantala, wala pang opisyal na pahayag o tugon si Ignacio tungkol sa isyu. Nangako naman daw ang dating OWWA administrator na sasagutin ang mga tanong tungkol dito sa isang proper forum.
